طالبلرنینگ بدخشان ولایتیدهگی امینه قوماندانلیگی راغستان اولسواللیگیده بیر کان منطقهسیده کانچیلیک مادّهلرینینگ پارتلشی عاقبتیده ایکّی کیشی جان بېرگن و ینه ایکّی کیشی یرهلنگنی حقیده معلوم قیلدی.
قوماندانلیک ترقهتگن بیاناتده ایتیلیشیچه، اوشبو پارتلش بوگون توش پیتی (دوشنبه،۲۷ دلو) راغستان اولسواللیگی کان اوستاخانهسینینگ ایچیده یوز بېرگن.
طالبلرنینگ امنیه قوماندانلیگی هلاک بۉلگنلر یفتل اولسواللیگی اهالیسی بۉلیب، ایشچی صفتیده راغستانگه کېلگنینی بیلدیرگن.
مذکور قوماندانلیک پارتلش سببینی ایضاحلهمهگن.
افغانستان کانلریده پارتلشلر، قولهشلر و گازدن زهرلنیش حالتلری کۉپ باره کانچیلر و ایشچیلرنینگ اۉلیمیگه سبب بۉلگن.
تخنیکي جهازلرنینگ یېتیشمسلیگی و ضرور خوفسیزلیک قاعدهلریگه رعایه قیلینمسلیگی اوشبو حادثهلرنینگ اساسي عامللری صفتیده ایتیلماقده.
