«افغانستان آزادلیک جبههسی» نینگ معلوم قیلیشیچه، قندوزده طالباننینگ بیر حربي موتریگه هجوم قیلگنلریده، اوشبو گروهنینگ ایکّی اعضاسی هلاک بۉلگن و ینه بیر اعضاسی یرهلنگن.
جبههنینگ بیاناتیده ایتیلیشیچه، بو هجوم تیناوون یکشنبه، ۲۶ دلو ساعت تخمیناً ۶:۰۰ده قندوز شهرینینگ بیرینچی ناحیهسیدهگی«چهارپره» یۉلیده عملگه آشیریلگن.
«افغانستان آزادلیک جبههسی» اوشبو هجوم و اۉز کوچلری یۉقاتگنلرینینگ باتفصیل معلوماتینی اعلان قیلمهگن.
قندوزدهگی طالبان محلي مسووللری حاضرچه بو هجوم حقیده ایضاح بېرمهگن.
جبهه ایلگری هم قندوزدهگی طالبانگه قرشی بیر نېچته هجوملرنی اعلان قیلگن.
طالبان محلي مسووللری مخالفت هجوملرینی تصدیقلهمهیدی، اما بیرلشگن ملتلر تشکیلاتی بو گروهگه قرشی قوراللی مخالفتنینگ بعضی هجوملرینی تصدیقلهگن.
