پاکستاننینگ افغانستان بۉییچه سابق مخصوص وکیلی آصف درانی طالبانگه قرشی چېکلاولرنی کوزهتووچی گروه وکالتینینگ اوزهیتیریلیشی طالبان حکمرانلیگی آستیدهگی افغانستانده خوفسیزلیک وضعیتیدن خلقارا همجعیت نینگ تاباره آرتیب بارهیاتگن خواطرلرینی عکس اېتتیرهدی، دېدی.
دُرراني بوگون (یکشنبه،۲۶ دلو) ایکس اجتماعي ترماغیده یازیشیچه، افغانستان حاضر ترانسمیللي افراطیت مرکزیگه ایلنیش خوفی آستیده توریبدی.
او افغانستان توپراغیده۲۰ دن آرتیق ترورچی گروه موجودلیگی حقیدهگی گزارشلرگه اشاره قیلیب، تهدید اېندی فقط اوشبو مملکت چېگرهلری بیلن چېکلنیب قالمهیاتگنینی تأکیدلهدی.
پاکستاننینگ سابق نمایندهسی اسلام آباددهگی بیر مسجدگه قیلینگن خودکوشلیک هجومی بو گروهلر افغانستاندن تشقریده هم هجوم اویوشتیریش نیتی و امکانیتیگه اېگه اېکنینی کۉرسهتگنینی ایتدی.
اونینگ سۉزلریگه کۉره، خلق ارا همجعیت هوشیار، یکدل و فعال بۉلیب قالیشی لازم، چونکه افغانستان برقرارلیگی منطقوي و گلوبل خوفسیزلیک اوچون مهم اهمیتگه اېگه.
بیراق دُرراني افغانستانده برقرارلیک ترورچی توزیلمهلرگه قرشی تېکشیریب بۉلهدیگن عملي چارهلر کۉریش، مجبوريتلرنینگ ایشانچلی اجراسی و برقرار کۉپ تامانلهمه نظارتنی طلب قیلیشینی قۉشیمچه قیلدی.
بیرلشگن ملتلر تشکیلاتی خوفسیزلیک کېنگشی پنجشنبه کونی کېچقورون طالبانگه قرشی چېکلاولرنی کوزهتووچی گروه وکالتینی ینه بیر ییلگه اوزهیتیردی.
اوشبو گروه طالبانگه قرشی ۱۹۸۸-ییلده مذکور گروهنینگ افغانستاندهگی بیرینچی حاکمیتی دوریده جاري اېتیلگن چېکلاولر اجراسینی نظارت قیلهدی.
طالبان اېسه بو چېکلاولرنی «موفقیتسیز و ثمرهسیز تجربه» دېب اتهب، دنیا همجعیت چېکلاولر اۉرنیگه اولر بیلن ملاقات قیلیشی کېرهکلیگینی بیلدیرگن.
