لغمان ولایتیدهگی محلي منبعلر قرغهیی اولسواللیگیده بیر اېرکک نینگ جسدی تاپیلگنینی اَیتماقده.
منبعلرگه کۉره، اوشبو اېرکک عبدالعزیز اسملی بۉلیب، اونینگ جسدی تیناوون (شنبه، ۲۵ دلو) قرغهیی تومنی «چارباغ» قیشلاغی دلهلریده قۉللری باغلنگن حالده تاپیلگن.
معلوماتلرگه کۉره،۳۴ یاشلی عبدالعزیز اۉق آتیش نتیجهسیده اۉلدیریلگن. قاتللیک سببلری حاضرچه نامعلوم.
لغماندهگی طالباننینگ محلي مسووللری حاضرچه بو حادثه یوزهسیدن ایضاح بېرمهگن.
طالباننینگ خوفسیزلیک حقیدهگی دعوالریگه قرهمهی، دېیرلی هر کونی سِرلی قاتللیکلر و جسدلر تاپیلگنی حقیده خبرلر کېلیب توشماقده.
بو قاتللیکلرنینگ اکثریتیده عیبدار صفتیده «نامعلوم قوراللی شخصلر» کۉرسهتیلماقده.
