بیرلشگن ملتلر تشکیلاتینینگ انسانپرورلیک یاردمنی موافقلشتیریش ادارهسی (اوچا) نینگ معلوم قیلیشیچه، حاضرگی وقتده افغانستانده روحي سلامتلیک، روانی و اجتماعي قۉللب-قوّتلش فعالیتلری تعقیقلندی.
اداره ینگی حساباتیده ایتیشیچه، عیاللر جدّي روشده اجتماعي مکانلرده روحي سلامتلیک، روانی و اجتماعي یاردم خدمتلریگه تهیهنهدیلر.
طالبان عیاللرنی ضرور طبي خدمتلرگه اېریشیشده هم چېکلاولر قۉیماقده.
اوچانینگ معلوم قیلیشیچه، عیاللر کلینیکلرگه باریشگه رخصتگه اېگه، لېکن بعضی منطقهلرده اېرکک محرم بیلن باریشلری شرط.
شونینگدېک، بو اداره نینگ ایتیشیچه، عیال خادملر اوچون ایشگه رخصت آلیش و تعلیم آلیش هنوز قیین، و بعضی منطقهلرده عیال طبیات خادملری اوچون مبایل تېلفون ایشلهتیش تعقیقلنگن.
اوچانینگ قۉشیمچه قیلیشیچه، مملکت بۉیلب عیال خادملر و جنسگه سېزگیر دستورلر اوچون چېکلاولر کوچهیگن.
عیاللر تامانیدن یېتکچیلیک قیلینهدیگن برچه نادولت ساغلیق و تعلیم ساحهلریدهگی فعالیتلر تعقیقلندی و تۉختهتیلدی.
اوچا حساباتیگه کۉره،۲۰۲۵ ییلنینگ ایکّینچی یرمیده انسانپرورلیک یاردمگه اېریشیشدهگی چېکلاولر عمومي طرزده آشگن.
۲۰۲۵ ییل جولای-دسمبر آیلریده انسانپرورلیک همکارلر۶۲۳ ته یاردمگه کیریش حادثهسینی قید قیلگنلر، بو اېسه ییل باشیدهگی دورگه نسبتاً 25 فایز اۉسیشنی کۉرسهتهدی.
اوچا معلوماتیگه کۉره، اوشبو حادثهلر نتیجهسیده۳۴۹ ته بشری فعالیت وقتینچه تۉختهتیلدی و۸ ته مرکز یاپیلدی، اساسن عیاللر مرکزلری، طبیات و تعلیم مرکزلری؛ بو آلدینگی دورگه نسبتاً 37 فایز اۉسیشنی بیلدیرهدی.
غربي حدود اېنگ کۉپ حادثهلرنی قید قیلگن، اوندن کېین جَنوبي و مرکزي حدودلر کېلهدی.
اوچا قۉشیمچه قیلگنیدېک، طالبان نینگ یاردم ترقهتیشدهگی ارهلشووی حادثهلرینینگ 85 فایزینی تشکیل قیلگن.
اوشبو ارهلشوولر قوییدهگیلرنی اۉز ایچیگه آلگن: عیال خادملرنی تعقیقلش، کېلیشوولرنی کېچیکتیریش، فایدهلنووچیلر تنلاویگه ارهلشیش، ایشگه قبول و خریدلرنی نظارت قیلیش، خادملر و سېزگیر معلوماتلر بۉییچه اخبارات طلب قیلیش.
اوچا معلوم قیلگنیدېک، جنسگه باغلیق چېکلاولر حادثهلرینینگ۳۱ فایزینی تشکیل قیلگن و عیال خادملرنینگ حرکتیگه دایمي چېکلاولر، محرم بیلن بۉلسه هم، دوام اېتگن.
حساباتده قید قیلینیشیچه، انسانپرورلیک خادملرنینگ۳۴ نفری حبسگه آلینگن ۱۸اېرکک،۱۶ عیال)، آلدینگی دورده۱۰۰نفر حبسگه آلینگن بۉلیب، بو۶۶ فایز کمهییشنی کۉرسهتهدی، لېکن خوفسیزلیک تهدیدلری نینگ دوام اېتهیاتگنینی بیلدیرهدی.
ادارهنینگ معلوم قیلگنیدېک، بعضی منطقهلرده عیال خادملرنی نامعلوم قوراللی شخصلر تعقیب قیلگنی حقیده هم خبرلر بار، بو خادملرنینگ خوفسیزلیگی و ایش فعالیتینی ضعیفلشتیرهدی.
اوچانینگ ایتیشیچه، اتموسفیر و خوفسیزلیک عامللری، جملهدن سوو تاشقینلری، حربي عملیاتلر، پارتلاوچی مادّهلر و ماین افلاسلنیشی، اینیقسه شرقي و جَنوبی-شرقي حدودلرده، بشری خدمتلرگه اېریشیش و اولرنی یېتکزیشنی ینه-ده قیینلشتیرماقده.
