طالباننینگ سۉزلاوچیسی ذبیحالله مجاهد بیرلشگن ملتلر تشکیلاتی خوفسیزلیک کېنگشینینگ اوشبو گروهگه قرشی چېکلاولرنی نظارت قیلووچی جماعه نینگ مدتینی اوزهیتیریش قراریگه جوابن، دولتلردن افغانستانگه بۉلگن سیاستلرینی قَیته کۉریب چیقیشنی و طالبان بیلن مثبت ملاقات اۉرنهتیشنی سۉرهدی.
طالبان سۉزلاوچیسی بوگون (جمعه، ۲۴ دلو) ایتیشیچه، اوشبو گروهگه قرشی چېکلاولرنی اوزهیتیریش «موفقیتسیز یۉل بۉلیب، بو بیر نېچه بار سینهب کۉریلگن و نتیجهسیز تجربهلرنی تکرارلش منطق سیزدیر»
اونینگ قۉشیمچه قیلیشیچه، افغانستاندهگی «عنعنوي یوتوقلر، حقیقتلر و رئال واقعهلر» بیرلشگن ملتلر تشکیلاتی تامانیدن معین ضدیتلی دورده قۉییلگن چېکلاولر بیلن ماس کېلمهیدی.
مجاهدنینگ ادعا قیلیشیچه، طالبان نظارتیدهگی افغانستان «رواجلنماقده، تورلی مملکتلر بیلن ملاقات قیلهدی و برقرارلیک و خوفسیزلیک تاباره آرتیب بارماقده»، شوندهی وضعیتده افغانستانگه چېکلاولرنی اوزهیتیریش اېمس، بلکه همکارلیک کېرهک.
بیرلشگن ملتلر تشیکلاتی خوفسیزلیک کېنگشی تیناوون کېچقورون طالبانگه قرشی چېکلاولرنی نظارت قیلووچی جماعهنینگ وظیفهسینی ینه بیر ییلگه اوزهیتیردی.
اوشبو جماعهنینگ وظیفهسی ۱۹۸۸ ییلده طالباننینگ بیرینچی حکمرانلیگی دوریده جاري قیلینگن چېکلاولرنی نظارت قیلیشدن عبارت بۉلیب، او حلی هم دوام اېتماقده.
طالبانگه قرشی چېکلاولر سفرلر تعقیقلنیشینی هم اۉز ایچیگه آلهدی، اما سۉنگگی تۉرت ییل ایچیده اوشبو گروهنینگ بعضی رهبرلری بیرلشگن ملتلر تشکیلاتی خوفسیزلیک کېنگشینینگ رخصتی بیلن دنیانینگ تورلی مملکتلریگه سفر قیلگن.
