بیرلشگن ملتلر تشکیلاتینینگ خوفسیزلیک کېنگشی چېکلاولرینی نظارت قیلیش کمیتهسی اۉزینینگ سۉنگّی گزارشیده، هند یریم آرالیدهگی القاعده ترماغینینگ رهبری اسامه محمود، «امیر» اونینگ اۉرین باسری یحی غوری کابلده موجود.
گزارشده شونینگدېک ایتیلیشیچه، اوشبو القاعده ترماغینینگ مېدیا بۉلیمی غربي افغانستاننینگ هرات ولایتیده جایلشگن.
حساباتگه کۉره، اوشبو القاعده ترماغی جَنوبی-شرقي افغانستانده هم فعالیت یوریتماقده؛ بو حدودده حقانی ترماغینینگ سېزیلرلی تأثیری موجود.
بیرلشگن ملتلر تشکلاتی چېکلاولرینی نظارت قیلیش کمیتهسی القاعده نینگ حلی هم طالبان نمایندهلری تامانیدن قۉللب-قوّتلنهیاتگنینی و افغانستاندهگی باشقه تروریستیک گروهلر اوچون خدمتلر کۉرسهتیش و اولرنی مستحکملش بیلن شغللنیشینی بیلدیرگن.
گزارشده ایتیلیشیچه، القاعده اساسن پاکستان طالبان حرکتی (تیتیپی) اعضالریگه مصلحت و ترېنینگ بېرهدی.
بیرلشگن ملتلر تشکیلاتی چېکلاولرینی نظارت قیلیش کمیتهسی، حسابات دوریده اوشبو القاعده ترماغینینگ تاباره تشقی عملیاتلرگه اعتبار قرهتهیاتگنی بارهسیده خواطرلر موجود اېدی.
کمیتهنینگ قۉشیمچه قیلیشیچه، بوندهی عملیاتلر طالبانگه «مېزبانلیک» معماسی توغدیرمسلیگی اوچون دعوا قیلینمهیدیگن یاکه انکار قیلینهدیگن طرزده عملگه آشیریلیشی ممکن.
طالباننینگ افغانستانگه قَیتیشی بیلن بیرلشگن ملتلر تشکیلاتی القاعدهنینگ مملکتدهگی موجودلیگی و فعالیتی بۉییچه منتظم حساباتلر بېرگن.
امریکا هم ۲۰۲۲-ییل ۳۰جولایده درون هجومی بیلن سابق القاعده رهبری ایمنالظواهرینی کابلنینگ وزیر اکبرخان حدودیده اۉلدیرگن.
طالبان ایمنالظواهرینینگ اۉلدیریلگنینی و اونینگ افغانستانده بۉلگنینی رد اېتگن، تېرگاو اۉتکزیلهیاتگنینی ایتگن، اما تېرگاو نتیجهلرینی هنوز اعلان قیلمهگن.
