حاضر طالبلر نظارتی آستدهگی افغانستان برق تأمینات شرکتی (برشنا) جمعی۸۴۵ مېگاوات قوّتگه اېگه بېشته برق ایشلب چیقریش لایحهسی بۉییچه خصوصي «عزیزی انرژی» شرکتی بیلن شرطنامه امضالهدی.
اوشبو شرطنامهلر بوگون (چهارشنبه،۲۲ دلو) طالبان باش وزیرینینگ اقتصادي مسألهلر بۉییچه اۉرینباسری عبدالغنی برادر اشتراکیده کابلده امضالندی.
باش وزیر اۉرینباسری ادارهسی خبریگه کۉره، شرطنامهگه اساسن، عزیزی انرژی شرکتی قوییدهگی حدودلرده برق ایشلب چیقرهدی:
کابلدهگی نغلو و پرواندهگی بریک-آب حدودلریده هر بیریده۱۰۰مېگاوات قویاش برقی، غزنیده۱۳۰ مېگاوات قویاش برقی
تخارده۱۶۵ مېگاوات، بغلان حدودیده۳۵۰مېگاوات برق نی کۉمیر آرقهلی ایشلب چیقرهدی.
ادارهنینگ قۉشیمچه قیلیشیچه، اوشبو لایحهلرگه تخمین۴۶۳ میلیون دالر سرمایه کیریتیلگن.
طالبان باش وزیرینینگ اقتصادي مسألهلر بۉییچه اۉرینباسری دفتری بیاناتیگه کۉره، قویاش برق لایحهلری ایکّی ییل ایچیده، کۉمیر برق لایحهلری اېسه اوچ ییل ایچیده یکونلنهدی.
طالبان ایلگری عزیزی انرژی کمپنیسی بیلن۱۰ مینگ مېگاوات برق ایشلب چیقریش، تقسیملش و اوزهتیش اوچون۱۰ میلیارد دالرلیک شرطنامه امضالهگنی حقیده خبر بېرگن اېدی.
