جهان عیاللر و قیزلر کونی مناسبتی بیلن علم ساحهسیده، بیرلشگن ملتلر تشکیلاتینینگ افغانستاندهگی یاردم ادارهسی (یوناما) 12 یاشدن یوقاری قیزلر مکتبدن چېتلهتیلگنیگه بیر مینگ ۶۰۷ کون بۉلگنینی معلوم قیلدی.
یوناما اۉزینینگ ایکس صحیفهسیده یازیشیچه، تۉرت ییلدن آرتیق وقت بای بېریلدی و عیاللر همده قیزلرسیز کېلهجک قارانغو بۉلهدی.
اوشبو اداره ینه بیر بار طالباندن قیزلرنینگ تعلیم آلیشیگه قۉییلگن تعقیقنی بېکار قیلیشنی سۉردی.
بیرلشگن ملتلر تشکیلاتینینگ افغانستاندهگی وکالتخانهسی، شونینگدېک، علم-فنده تېنگلیک انسانیت ترقیاتی اوچون اساسي اهمیتگه اېگه اېکنینی تأکیدلهدی. اما تۉرت ییلدن آرتیق وقت دوامیده افغانستان قیزلری و عیاللری تعلیم و محنتدن محروم اېتیلگن.
اداره بو چېکلاو نهفقط عیاللر و قیزلرنی جمعیت چېتیگه سوریشینی، بلکه مملکت ترقیاتی و اوزاق مدتلی فراوانلیگی یۉلیده جدّي تۉسیق اېکنینی قید اېتدی.
طالبان حاکمیتگه قَیتگچ، دستلب آلتینچی صنفدن یوقاری قیزلرنی مکتبدن چېتلتدی. کېینچهلیک اېسه بیلیم یورتی و طبیات انستیتوتلرینی هم عیاللر همده قیزلر اوچون یاپدی.
سۉنگگی تۉرت ییل ایچیده، عیاللر و قیزلر حقوقلرینی حرمت قیلیش بۉییچه خلقارا همجعیتنینگ کۉپلب چقیریقلریگه قرهمهی، طالبان اۉز چېکلاولرینی ینه-ده کوچهیتیردی.
