بیرلشگن ملتلر تشکیلاتینینگ بالهلر جمغرمهسی (یونیسف)نینگ معلوم قیلیشیچه، جاپان خلقارا همکارلیک ادارهسی افغانستان بۉیلب پولیو (بالهلر فلجی) کسللیگینی یۉق قیلیش و اېملش دستورلرینی مستحکملش اوچون اوشبو تشکیلاتگه۶.۳میلیون امریکا دالری اجرهتگن.
یونیسف بوگون (سهشنبه،۲۱ دلو) اوشبو یاردم حسابیگه کېلگوسی۱۲ آی دوامیده۵ یاشگچه بۉلگن۱۲ میلیوندن آرتیق باله پولیوگه قرشی واکسین و منتظم اېملش خدمتلریدن فایدهلنیش امکانیگه اېگه بۉلهدی دېگن.
جاپاننینگ افغانستاندهگی اېلچیسی کنیچی ماساموتو جاپان حکومتی و خلقی افغانستانده پولیو یۉق قیلیشنی قۉللب-قوّتلشگه صادق قالیشینی ایتگن.
اونینگ تأکیدلشیچه، عینِ نازک پلّهده سۉنگگی یوتوقلرنی سقلب قالیش و بیرار هم باله حمایهسیز قالمسلیگینی تأمینلش اوچون وکسین تأمیناتی نینگ اوزلوکسیزلیگینی سقلش جوده مهم.
یونیسفنینگ افغانستاندهگی اۉرینباسری آندریا جیمز اېسه افغانستانده پولیو برهم بېریش ممکنلیگینی، بیراق بو نینگ اوچون هر بیر باله هر سفر اېملنیشی شرطلیگینی ایتگن.
«جاپان حکومتی و خلقی نینگ دایمي یاردمی واکسینلرنینگ اېنگ ضعیف بالهلرگه، جملهدن اېنگ چېکّه حدودلرده یشاوچی بالهلرگه یېتیب باریشینی تأمینلب، بونی ممکن قیلهدی. برقرار مجبوريت و اېملش نینگ اوزلوکسیز دوام اېتیشی آرقهلی بیز بالهلرنی حمایه قیله آله میز و افغانستانده بالهلر فلجی گه بوتونلهی برهم بېره آلهمیز»
