اسرائیل باش وزیری بنیامین نتانیاهو امریکا جمهور رییسی دونالد ترامپ بیلن اوچرهشوو و مذاکرهلر اۉتکزیش اوچون واشنگتنگه یۉل آلدی.
«تایمز آف اسرائیل» نشرینینگ خبر بېریشیچه، بنیامین نتانیاهو واشنگتنگه جۉنشیدن آلدین ژورنالیستلرگه ایران بیلن آلیب باریلهدیگن مذاکرهلر بۉییچه اۉز تمایللرینی دونالد ترامپگه تقدیم اېتیشینی ایتگن.
نتانیاهونینگ تأکیدلشیچه، بو تمایللر نهفقط اسرائیل، بلکه «تینچلیک و خوفسیزلیکنی ایستهگن» دنیادهگی برچه دولتلر اوچون مهمدیر.
اسرائیل باش وزیری، شونینگدېک، امریکا جمهور رییسی بیلن غزه و منطقوي مسألهلر یوزهسیدن هم مذاکره آلیب باریشینی قۉشیمچه قیلگن.
اونینگ ایتیشیچه، دونالد ترامپ بیلن تېز-تېز اوچرهشیب توریشی ایکّی یېتکچی اۉرتهسیدهگی همده اسرائیل و امریکا اۉرتهسیدهگی «مثلی کۉریلمهگن یقینلیک»دن دلالت بېرهدی.
رېجهگه کۉره، نتانیاهو و ترامپ اېرتهگه محلي وقت بیلن ساعت۱۱:۰۰اطرافیده آق اویده اوچرهشهدی.
بو نتانیاهو و ترامپنینگ عمانده ایران و امریکا اۉرتهسیده بۉلیب اۉتگن هستوي مذاکرهلرنینگ ینگی باسقیچیدن کېینگی ایلک اوچرهشووی دیر.
امریکا و اېران اۉتگن ییلی هم ایراننینگ هستوي دستوری بۉییچه بېش روند مذاکره اۉتکزگن اېدی، بیراق آلتینچی روند عرفهسیده اسرائیلنینگ ایرانگه هجومی سببلی بو مذاکرهلر تۉختهب قالگن.
