بیرلشگن ملتلر تشکیلاتینینگ افغانستاندهگی یاردم ادارهسی (یوناما) انسان حقلری وضعیتی بۉییچه سۉنگگی حساباتیده، بیر قیز طالبان محکمهسینینگ فرمایشی بیلن مجبوري تورموشگه راضی بۉلمهگنی سببلی حبسگه آلینگن و قماقده سهقلنماقده.
بوگون (یکشنبه،۱۹ دلو) اعلان قیلینگن اوشبو حساباتده قیزنینگ طالباننینگ ولایت قماقلریدن بیریده اوشلب توریلگنی قید اېتیلگن.
یوناما حساباتیگه کۉره، ۲۰۲۵ ییل آکتبردن دسامبرگچه بۉلگن دورده جنسي زۉرآورلیک، جملهدن مجبوري نکاح حالتلری بیر نېچه مرته قید اېتیلگن.
حساباتده شونینگدېک طالباننینگ «امر به معروف» تشکیلاتی اوشبو دورده۸۰۶ حالتنی، جملهدن، عایلهوي زۉرآورلیک، میراث مسألهلری، مِهر تۉلهنمسلیگی، مجبوري نکاح و اجرهلیش ایشلرینی کۉریب چیققنی قید اېتیلگن.
