طالباننینگ بادغیس ولایتیدهگی امنیه قوماندانلیگی اوروشدن قالگن بیرته نارنجک پارتلشی عاقبتیده۱۰ یاشلی بیر باله هلاک بۉلگنی و ینه بیر باله جراحت آلگنینی معلوم قیلدی.
مذکور قوماندانلیک مطبوعات سۉزلاوچیسی صدیقالله صدیقی پارتلش تیناوون (شنبه،۱۸ دلو) بادغیس ولایتینینگ سنگ-آتش تومنیدهگی لودینان منطقهسیده صادر بۉلگنینی ایتدی.
اونینگ سۉزلریگه کۉره، پارتلش بالهلر اېسکی نارنجک بیلن اۉینهیاتگن پیتده یوز بېرگن.
بیر نېچه اۉن ییللیک اوروشلر نتیجهسیده افغانستان حدودلرینینگ بیر قِسمی ماینلر و پارتلاوچی مادّهلر بیلن افلاسلنگن.
بیرلشگن ملتلر تشکیلاتی معلوماتلریگه کۉره، افغانستانده۳ میلیون۳۰۰ مینگ کیشی ماینلر و پارتلاوچی مادّهلر بیلن افلاسلنگن منطقهلردن بیر کیلومتر اوزاقده یشهیدی.
افغانستاندهگی بیرلشگن ملتلر تشکیلاتی یاردم ادارهسی (یوناما) افغانستاننی اوروشدن قالگن ماینلر و پارتلاوچی اۉق-داریلر عاقبتیدهگی قربانلر سانی بۉییچه دنیادهگی اوچینچی دولت دېب بهالهیدی.
حاضر طالبان نظارتیدهگی افغانستان طبيعي آفتلرگه قرشی کورهش ادارهسی معلوماتیگه کۉره، سۉنگگی بیر ییل ایچیده مملکتده ماینلر و پارتلاوچی مادّهلر پارتلشی عاقبتیده۸۷ کیشی هلاک بۉلگن، ینه۳۳ کیشی جراحتلنگن. قربانلرنینگ اکثریتینی بالهلر تشکیل اېتهدی.
