اطلاعات روز اختیاریگه توشگن حجتلرگه کۉره، باميان مرکزیدهگی «ملاغلام» منطقهسیده اهالیسی طالبان پولیسینینگ اَیریم خادملری تامانیدن دایمي روشده تضییق و آزار-اذیتگه اوچرهیاتگنیدن شکایت قیلگن. اولرنینگ ایتیشیچه، یقینده «وحید» و «علی اصغر» اسملی ایکّی یاش ییگیت قتّيق کلتکلنیب، پیچاقلهنیب یرهلنگن.
مذکور منطقه اهالیسی تامانیدن طالبان واليسی ادارهسیگه تاپشیریلگن عریضه نسخهسیده، او هم اطلاعات روز اختیاریگه توشگن طالبان اعضالری «قرغنهتو»، شیرآغا قرارگاهی قوماندانی رازمحمد باميان ولایتی تۉرتینچی پولیس خادیمی شېراغا، رازمحمد نینگ اوکهسی شمس الرحمن (تۉرتینچی حوزه پولیس خادیمی)، اونینگ اۉغلی گلامین (باميان ولایت شفاخانهسیده خوفسیزلیک خادیمی)، شونینگدېک آزاد، دواجان و شېرآغا ناملری تیلگه آلینگن.
قیشلاق اهالیسی بو شخصلرنی «ماجراجور» و «شرارتپیشه» دېب اتهب، سۉنگگی تۉرت ییل دوامیده منتظم روشده اهالیگه آزار یېتکزیب کېلهیاتگنینی ایتگن.
عریضهده رازمحمدنینگ اۉغیللری تامانیدن تۉی مراسمیده اۉق اوزیلیشی، «رئیس داوود» اسملی شخصنینگ اوییگه قوراللی هجوم قیلینیشی و اونینگ اۉغلی سَلماننینگ کلتکلنیشی، «رضا اۉغلی»نینگ کلتکلنیشی، ملاغلام شفاخانهسی قرشیسیدهگی نانوایخانه مسووللرینینگ کلتکلنیب، موترسیکللری نینگ تارتیب آلینیشی کبی حالتلر کېلتیریلگن.
عریضهده ایتیلیشیچه، جاري قویاشي آینینگ بېشینچی کونی وحید و علی اصغر «ناحق» روشده کلتکلنیب، پیچاق بیلن جراحتلنگن. وحید بېش مرته پیچاق ضربهسی آلگنی سببلی باميان ولایت شفاخانهسیده یاتیبدی، علی اصغر اېسه بورنی سینگهنی باعث کابلگه کۉچیریلگن.
ملاغلام قیشلاغی اهالیسی بو شخصلر «کوچلی و تأثیرلی» بۉلگنی سببلی، سۉنگگی تۉرت ییل دوامیده بیر نېچه بار جنایت صادر اېتیشلریگه قرهمهی، جوابگرلیککه تارتیلمهگنینی ایتگن.
اولرنینگ قۉشیمچه قیلیشیچه، باميان پولیسی وحید و علی اصغر واقعهسی یوزهسیدن «عیبسیز» بیر نېچه کیشینی حبسگه آلیب، «وحید ناملی تۉده بار» دېگن تصور اویغاتماقچی بۉلگن.
ملاغلام اهالیسی طالبان واليسی ادارهسیگه مراجعت قیلیب، بو شخصلردن تۉییب کېتگنینی و اولرنینگ آلدی آلینیشی لازملیگینی بیلدیرگن.
بیراق بیر منبع اطلاعات روزگه ایتیشیچه، مذکور طالبان اعضالری باميانده «تابلیت کا» تقسیماتیگه ارهلشگن و حتا اَیریم عیاللر همده قیزلرگه بو پلانشیتلرنی ترقهتگن.
منبعنینگ سۉزلریگه کۉره، وحید اوشبو شخصلر تامانیدن ایکّی نفر یاش قیزگه تابلیت کا بېریلیشیگه تۉسقینلیک قیلگن. شو سببلی، اولر بېشینچی دلو کونی کېچقورون ملاغلام باغیده قوراللنگن حالده وحیدنی کلتکلب، پیچاق بیلن جراحتلهگن.
منبعنینگ ایتیشیچه، ۱۶ یاشلی علی اصغر بو واقعهگه عموماً علاقهسی بۉلمهگن، اما ناحق روشده طالبان اعضالری تامانیدن کلتکلنیب، بورنی سیندیریلگن.
اوشبو منبعگه کۉره، طالبان واليسی ادارهسی دستلب مسألهنی آقسقاللر آرقهلی حل قیلیشنی تکلیف قیلگن، کېین اېسه ولایت واليسی گُل حیدرشفق اهالیگه: «حاضر بیز حاکممیز، تیریک اېکهنینگیز نینگ اۉزی یېترلی»، دېگن.
طالبان واليسی ادارهسی بیانات چیقریب، اوشبو واقعهنی«ایکّی عایله اۉرتهسیدهگی قبیلهوي عداوت و جنجل» دېب اتهگن و بېواسطه والي نینگ ارهلشووی بیلن حل قیلینگنینی ایتگن.
بامياندهگی طالبان واليسینینگ سۉزلاوچیسی اطلاعات روزگه تابلیت کا ترقهتیلیشی حقیدهگی خبرلرنی «یالغان و میش-میش» دېب اتهگن همده ماجرا نینگ سببینی «آغزهکی تارتیشوو» دېیه ایضاحلهگن.
