جوزجان ولایتیدهگی محلي منبعلرنینگ خبر بېریشیچه، ولایت مرکزی شبرغان شهریده بیر ییگیت پیچاقلهنیب اۉلدیریلگن.
منبعلرگه کۉره، ییگیتنینگ اسمی جهانگیر بۉلیب، او تیناوون سهشنبه،۱۴ دلو، شبرغان شهرینینگ ایکّینچی خوفسیزلیک ناحیهده هلاک بۉلگن.
جوزجانده طالبان امنیه قوماندانلیگی مطبوعات سۉزلاوچیسی عبدالستار حلیمی جهانگیرنینگ اۉلدیریلیشینی تصدیقلهگن و بو جنایت بیلن باغلیق بیر شخص حبسگه آلینگنینی بیلدیرگن.
او جنایت سببینی آچیقلهمهگن، اما تېکشیروولر باشلنگنینی قۉشیمچه قیلگن.
هر کونی ولایتلردن سِرلی اۉلیملر و جسدلرنینگ تاپیلیشی حقیده خبرلر کېلماقده.
بو خوفسیزلیک معمالری طالبان افغانستانده عمومي خوفسیزلیک تأمینلنگنینی دعوا قیلهیاتگن بیر پیتده یوز بېرماقده.
