طالبلر عالي محکمهسی کابل و فاریاب ولایتلریده۴۰ کیشیگه نسبتاً عامه حضوریده دره جزاسی اجرا اېتیلگنینی معلوم قیلدی.
محکمه تیناوون (دوشنبه، ۱۳دلو) اعلان قیلگن بیاناتیده ایتیشیچه، کابلده۳۷ کیشی مخدر مادّهلر، جملهدن شیشه، الکوللی ایچیملیکلر و چرهسنی ساتیب آلیش، ساتیش همده قاچاق قیلیش عیبی بیلن عامهوي روشده درهلنگن.
طالبلر عالي محکمهسینینگ معلوماتیگه کۉره، بو شخصلرنینگ هر بیری۱۰ تهدن۳۹ تگهچه دره اوریلگن و۷ آیدن۳ ییلگچه قماق جزاسیگه هم حکم قیلینگن.
محکمه ینه بیر علیحده بیاناتده فاریاب ولایتینینگ شیرین تگاب اولسواللیگیده اوچ کیشی «الکوللی ایچیملیک ایشلب چیقریش، ساتیش و استعمال قیلیش» عیبی بیلن تیناوون عامه حضوریده دره اوریلگنینی بیلدیردی.
اوشبو شخصلرنینگ هر بیری۳۹ ضربه دره بیلن جزالنگن و ایکّی ییل قماق جزاسیگه هم محکوم اېتیلگن.
طالبان افغانستانده ینه حاکمیتنی قۉلگه آلگنیدن بېری عیبلنووچیلرنی بیر نېچه بار عامه حضوریده درهلهگن، شونینگدېک،۱۲ نفر شخصنی یوزلب تماشابینلر آلدیده قتل اېتگن.
خلق ارا انسان حقوقلری تشکیلاتلری قتل و جسماني جزالرنی خلق ارا حقوق نارملری و انسان قدر-قیمتیگه ضد دېب بهالب، اولرنی تۉختهتیشگه چقیریب کېلماقده.
