طالبلرنینگ قندوز ولایتیده طبیعی حادثهلرگه قرشی کورهش ادارهسی، ولایت مرکزیده بیر اوینینگ تامی قولهگنی نتیجهسیده بیر عایلهنینگ تۉرت اعضاسی اۉلگن و باشقه بیرتهسی اېسه یرهلنگن دېگن.
اوشبو ادارهنینگ بیاناتیده ایتیلیشیچه، حادثه بوگون (سهشنبه،۱۴ دلو) ساعت۳:۳۰اطرافیده قندوز مرکزیدهگی « چهارتاق» منطقهسیده یوز بېرگن.
طبیعی حادثهلرگه قرشی کورهش اداره معلوماتیگه کۉره، اۉلگنلر آرهسیده اوچته عیال هم بار.
حادثهنینگ تام قولهش سببینی اداره معلوم قیلمهگن.
اوشبو ییل نینگ قیش فصلیده هم اوی تامی قولهشیدن آدملر هلاک بۉلیشی بیلن باغلیق بیر نېچه حالت قید اېتیلگن. مثلاً، جمعه کېچهسی قندهار ولایتی دامان اولسواللیگیده هم بیر عایله اعضاسی تۉرت کیشی اوی تامی قولهگنی سبب هلاک بۉلگن اېدی.
