قندوزده طالباننینگ امنيه قوماندانلیگینینگ معلوم قیلیشیچه، اوشبو ولایتنینگ دشتی ارچی اولسواللیگیده یېر تهلشووی سببلی اوچ کیشی اۉلدیریلگن.
مذکور قوماندانلیک نشر قیلگن بیاناتده ایتیلیشیچه، بو شخصلر تیناوون (یکشنبه،۱۲ دلو) دشتی ارچی تومنینینگ «دشتی آبدان» منطقهسیده، عمومي ترانسپورت یۉلی بۉییده عمکیبچهلری تامانیدن اۉلدیریلگن.
طالباننینگ امنيه قوماندانلیگی حادثه یوزهسیدن قۉشیمچه تفصیلات بېرمهگن، بیراق اوشبو قاتللیک بیلن باغلیق حالده تۉرت حبسگه آلینگنینی بیلدیرگن.
قوماندانلیککه کۉره، حبسگه آلینگنلر دستلبکی تېرگاودن سۉنگ طالباننینگ عدلیه و محکمه ارگانلریگه تاپشیریلهدی.
آلدین هم مملکتنینگ تورلی ولایتلریدن یېر تهلشووی سببلی قاتللیکلر حقیده کۉپلب خبرلر بېریلگن اېدی.
