بیرلشگن ملتلر تشکیلاتی انسانپرورلیک یاردملرینی موافقلشتیریش باشقرمهسی (اوچا) معلوماتلریگه کۉره،۲۰۲۶ ییلده افغانستانده تخمینا۱۵.۹میلیون کیشی تازه ایچیملیک سوو خدمتلریگه اېریشیش اوچون یاردمگه محتاج بۉلهدی.
اوچانینگ ایتیشیچه، بو احتیاجنی قاندیریش اوچون۱۶۳.۳میلیون دالر مبلغ ضرور.
تشکیلات، بیر وقتده یوز بېرهیاتگن شوکلر، جملهدن کېنگ کۉلملی مهاجرلرنینگ قَیتیشی، قورغاقچیلیک، یوقوملی کسللیکلر، تکراري سېل و زلزله، سوو و باشقه خدمتلرگه اېریشیشنی قیینلشتیرماقده.
شونینگدېک، افغانستانده سوو ساحهسیدهگی ضعیفلیکلر انساني و اقلیمي باسیملر تأثیریده بۉلیب، جمعیت و تیزیم درجهسیده برداشلیلیکنی سوسهیتیرهدی.
اوچانینگ تأکیدلهشیچه، اۉتگن ییلنینگ عمومي حسابیگه کۉره،۵۸ فایز اوی کمیده بیرته یشش محیطی خوفنی باشدن کېچیرگن، ۲۰۲۴ییلده اېسه بو کۉرستکیچ۶۷ فایز بۉلگن.
بوندن تشقری، ایچیملیک سووی و بهداشتنی اوستوار قیلگن اوی خواجهلیکلری فایزی۳۷ دن۲۶ فایزگه کمهیگن، بو اېسه کیریش امکانیتی و ارزانلیک نینگ یامانلشگنینی کۉرسهتهدی.
اوچا معلوماتلریگه کۉره،۳۷ فایز اوی خۉاجهلیکلریده صابون یۉق، بو اېسه ارزانلیکدهگی بۉشلیقلر و تأمینات چېکلاولرینی کۉرسهتهدی.
اوچانینگ گزارشیگه کۉره، جاري ییل افغانستانده۲۱.۹میلیون کیشی انسانپرورلیک یاردمیگه محتاج.
تشکیلاتنینگ ایتیشیچه، انسانپرورلیک تشکیلاتلری۱۷.۵میلیون کیشینی یاردم بېریش بۉییچه اوستوارلشتیرگن و اولرنی قمرهب آلیش اوچون۱.۷۲میلیارد دالر مبلغ طلب قیلینهدی.
اۉتگن ییل، انسانپرورلیک تشکیلاتلری بودجهنینگ کېسکین کمهییشی حقیده بیر نېچه مرته شکایت قیلگن و میلیونلب محتاجلرنی یاردم آلیش رۉیخطیدن چیقریشگه مجبور بۉلگن.
