بیرلشگن ملتلر تشکیلاتینینگ آزیق-آوقت و اېکینچیلیک تشکیلاتی (فائو) خبریگه کۉره، او آسیا ترقیات بانکی بیلن همکارلیکده افغانستان بۉیلب آزیق-آوقت خوفسیزلیگینی مستحکملش و قیشلاق خۉاجهلیگی درآمدلرینی تیکلش بۉییچه۱۰۰ میلیون دالرلیک لایحهنی عملگه آشیرماقده.
اوشبو تشکیلات بوگون (پنجشنبه،۹ دلو) اعلان قیلگن خبرده، کېینگی ایکّی ییل دوامیده لایحه۱۵۱مینگدن آرتیق عایلهگه، جملهدن، 1 میلیون۵۷ مینگ قَیتیب کېلگن و طبيعي آفتلردن ضرر کۉرگن شخصلرگه، یاردم بېریشینی بیلدیرگن.
فائو خبریگه کۉره، لایحه قیشلاق عایلهلریگه درآمدلرینی تیکلش، چاروالرنی حمایه قیلیش و بوزیلگن قیشلاق خۉاجهلیگی تیزیملرینی قَیته تیکلشده یاردم بېرهدی.
تشکیلات شونینگدېک، قیشلاق خۉاجهلیگی افغانستان قیشلاق اقتصادی نینگ تهیهنچی بۉلیشیگه قرهمهی، پست ثمرهدارلیک، چېکلنگن منبعلرگه اېریشیش و بازاردهگی امکانیتلرنینگ یېتیشمسلیگی بیلن کورهشهیاتگنینی قید اېتگن.
بوندن تشقری، فائو معلوماتیگه کۉره، تکراري طبيعي آفتلر اېکینلر، چاروا ماللری و سوغاریش اینفرهتوزیلمسینی یۉق قیلگن، شونینگدېک، قۉشنی دولتلردن کېنگ کۉلملی مهاجرلر قَیتیشی ضعیف جمعیتلرگه قۉشیمچه باسیم کېلتیرگن.
تشکیلاتنینگ قۉشیمچه قیلیشیچه، قیشلاق خۉاجهلیگی و آزیق-آوقت بۉییچه ییریک کۉلملی یاردملر مملکت بۉیلب جدّي آزیق-طعام خوفسیزلیگینی قیسقه مدتده یخشیلشگه یاردم بېرگن، لېکن وضعیت ینه یامانلشگن.
پیشبینلیکلرگه کۉره، شو ییل۱۷.۴ میلیون کیشی جدّي آزیق-آوقت خوفسیزلیگی بیلن دوچ کېلهدی، شوندن۴.۷میلیون کیشی فوق العاده حالتیده بۉلهدی.
