طالبان رهبری ملا هبتالله آخوندزاده، «یۉقالگن» و فسادگه عیبلنگن شخصلرنینگ منقول و غیر منقول ملکلرینی مصادره قیلیش بۉییچه بویروق چیقرگن.
اطلاعات روزگه یېتیب کیلگن مذکور فرمانگه کوره، طالباننینگ اداره امور عمومی ریاستی و اویلرنی تېکشیریش ریاستی بیکار و اونینگ وظیفهلری اوشبو گروهنینگ عالي محکمه حربي بۉلینمهسیگه تاپشیریلگن.
ملاهبتالله نینگ بویروغیگه کۉره، «یۉقالگن و فسادگه قۉلی بۉلگن» شخصلرنینگ ملکینی تېکشیریش ایشلرینی طالباننینگ حربي محکمهلری عملگه آشیرهدی.
اوشبو محکمهلر یۉقالگن وفساد قیلگن شخصلرنینگ منقول و غیر منقول ملکینی تېکشیرهدی. شونینگدیک اولرنینگ ملکینی اجرهتهدی، تصدیقلهدی، تېکشیرهدی و قیته تاپشیریلگونچه سقلهیدی.
«فسادگه قۉل اورگن شخصلر» نینگ ملکی اېسه حربي محکمهلر تامانیدن مصادره قیلینهدی و سقلنهدی.
فرمانده شونینگدېک، کابل حربي محکمهنینگ ترکیبیگه قاضی، مفتی و مُهردارلر قۉشیلیشی بویوریلگن، بو یۉقالگن و فسادگه قۉل اورگن شخصلرنینگ ملکینی تېکشیرهدی.
حربي محکمه، کابل و زونلر استثنا، ولایتلرده فقط حربي خادملرگه تېگیشلی حقوقي و جنایت ایشلرینی کۉریب چیقیش بیلن چېکلنمهی، یۉقالگن و فسادگه قۉل اورگن شخصلرنینگ ملکینی هم تېکشیریشی شرط.
ولایتلرده محکمه ترکیبیده ایکّی ایشانچلی و ملَکهلی شخص تعیینلنهدی.
فرمانده شونینگدېک، طالبان نینگ اداره امور عمومی ریاستی اویلرنی تېکشیریش باشقرمسیگه تېگیشلی برچه حجت، دفتر و کتابلرنی عالي محکمه حربي بۉلینمهسیگه تاپشیریشی، شونینگدېک ترانسپورت واسطهلری، انشاات و جهازلرنی تاپشیریب رسیدنی آلیشی بویوریلگن.
حاضر چیت اېلده یشاوچی سابق حکومت و طالبانگه قرشی شخصلر نینگ مال-ملکی طالبان نظارتیده.
اوشبو ملکلرنی تېکشیریش ایشلرینی حاضرگچه طالبان اداره امور عمومی ریاستی عملگه آشیرگن و اولرنینگ دعوا قیلیشیچه، اۉنلب اوی و آپارتمانلرنی تېکشیروودن سۉنگ اصل اېگهسیگه قَیتریشگن.
