طالبلرنینگ پنجشیر ولایتیدهگی والینینگ ادارهسی، اوشبو ولایتدهگی کانلردن آلینگن اوچ مینگ ۸۳۵ قیراط زمردنی تۉقیزمینگ ۱۱۰ دالر قیمتیده ساتگنینی اعلان قیلگن.
طالبلرنینگ پنجشیر والیسی سۉزلاوچیسی سیفالدین لتوننینگ ایتیشیچه، اوشبو مقداردهگی زمرد بوگون (سهشنبه، ۷ دلو) ایچکی تدبیرکارلر دوطلبلیگی آرقهلی ساتیلگن.
اوشبو زمرد آخرگی ایکّی هفته ایچیده پنجشیرنینگ حصه اول اولسواللیگی کانلریدن قزیب آلینگن.
طالبان معلوماتیگه کۉره، زمرد سوداسیدن اولرنینگ اولوشی۱۰ فایزنی تشکیل قیلهدی، قالگن قِسمی اېسه شرطنامه اساسیدهگی شرکتلرگه تېگهدی.
حاضرده بو گروه پنجشیرنینگ زمرد، یاقوت و بیروج کانلرینی قزیب آلیب، محصولاتلرینی ساتماقده، شونینگدېک، ولایتدهگی تېمیر کانینی هم دوطلبلیککه قۉیگن.
