سابق پاکستاننینگ افغانستان بۉییچه مخصوص نمایندهسی محمد آصف، «طالبان محکمهلرینینگ جزاي نظامی» افغانستان جمعیتینی ظلمت عصریگه آلیب باریشینی ایتگن.
پاکستان سابق نمایندهسی ایکس اجتماعی صحیفهسیده اوشبو نظام مضمونیگه اشاره قیلگن پُستیده شوندهی یازگن: «مذکور نظامگه کۉره، علما قانوني جوابگرلیکدن حمایهلنگن بۉلیشی، یاکه قانون نخبه وکیللرینی تعقیب قیله آلمهسلیگی، یاکه جمعیتده جزاگه تارتیلهدیگن قللر موجودلیگی ایشانینگ قیین.»
اونینگ قۉشیمچه قیلیشیچه: اېنگ حیرتلنرلیسی شوندهکی، تۉقّیز یاشلی قیزلر عیال صفتیده قرهلیب، تورموشگه چیقیشگه تیار دېب تاپیلگن.
محمد آصف شوندهی دوام اېتگن: «بالهلرنی تورموشگه بېریش افغانستانده عصرلر دوامیده عادت بۉلگن. عنعنوي روشده، عایله ایچیده توغیلگن قیز درآمد منبعی صفتیده قرهلهدی، چونکه آته یاکه اکه-اوکهلر اونی تورموشگه بېریشده پول آلهدی.»
او شونینگدېک: «اونوتمنگ، بیز بدوی جمعیت حقیده گپیرهیهپمیز و طالبان شو حقیقت نینگ عکسیدیر. افغانستان جمعیتی طالبان بویروقلریگه قندهی جواب قَیتریشینی حلی بیلمهیمیز»
طالبان رهبری یقینده اوشبو گروهنینگ «جزاي نظامی»نی امضالهگن و اونی کوچگه کیرگن دېب اعلان قیلگن.
انسان حقوقلری تشکیلاتی روادارینینگ بیلدیرگنیچه، اوشبو نظامده طالبان، فقط حنفی مذهبی طرفدارلرینی تن آلگن، باشقه اسلامي مذهب وکیللرینی «مبتدع» دېب اتهب، اجتماعي طبقهلشتیریش و قوللیکنی قانونيلشتیرگن.
رواداری بیاناتیگه کۉره، بو نظامده عیاللر و بالهلرگه قرشی زۉرآورلیک فقط آغیر جسماني زۉرآورلیک بیلن چېکلنگن، روحي و جنسي زۉرآورلیک تعقیقلنمهگن.
شونینگدېک، روادارینینگ ایتیشیچه، نظامده طالبانگه قرشی چیققنلر «باغی» دېب اتهلگن و اولرنی اۉلدیریش بویوریلگن.
رواداری تأکیدلهگن: اوشبو نظامده عدالتلی محکمهلرنینگ اساسي تمایللری بجریلمهگن و اختیاري باستیریش، حبسگه آلیش و قییناققه سالیش خوفینی آشیرهدی.
اوشبو نظام نینگ قبول قیلینیشی کېنگ عسکالعمللرنی کېلتیریب چیقرگن و تورلی سیاسي آقیملر اونینگ عاقبتلرینی خواطرلی دېب بهالهگن.
