افغانستان برق شرکتی (برشنا)، حاضرده طالبان نظارتیده، اۉزبېکستان آرقهلی آلیب کیریلهدیگن برق انرژیسینی کابل و۱۰ته ولایتگه قَیته اولش و ترمیملش امکانیتی حاضرچه موجود اېمسلیگینی معلوم قیلدی.
اۉزبېکستان آرقهلی آلیب کېلینگن برق انرژیسی کابل و باشقه ولایتلرگه اۉتگن هفته، پنجشنبه (۲ دلو) کونی اوزیلگن.
برشنا شرکتینینگ معلوم قیلیشیچه، سالنگ شِمالیدهگی «شاول» منطقهسیده کوچلی بۉران و قار کۉچکیسی نتیجهسیده۲۲۰ کیلوولت پلخمری-کابل پایه ویران بۉلگن. ایتیلیشیچه، سرکت بوزیلیشی عاقبتیده اۉزبېکستان آرقهلی کېلهدیگن برقنینگ بیر قِسمی اوزیلگن.
شرکت حلی هم بۉران و قار کۉچکیسی کبی طبيعي آفتلر خوفی موجودلیگینی بیلدیرگن و شرایط یخشیلنگنیده برقنی قَیته اولش و ترمیملش ایشلرینی باشلشینی معلوم قیلگن.
حاضرده شرکت کابل شهری و قۉشنی ولایتلرگه پلخمر-کابل لینی آرقلی، سوو توغانی، ایسّیقلیک اسکونهلری و قویاش نوری آرقهلی ایشلب چیقاریلهدیگن برق بیلن وقتینچهلیک تامینلنگن.
اۉزبېکستان آرقهلی آلیب کېلینگن برق نینگ اوزیلیشی نتیجهسیده، فقط پایتخت کابل اېمس، بلکه پروان، کاپیسا، پنجشیر، ننگرهار، لغمان، ميدان وردک، غزنی، لوگر، پکتیا، خوست و بعضی بغلان ولایت منطقهلری هم جدّي برق تنقیصلیگی و اوزاق مدتلی اوزیلیشلرگه دوچ کېلماقده.
