طالبلرنینگ فواید عامه وزیرلیگی، مملکتنینگ بیر قنچه ولایتلریده یۉللر قار یاغیشی سببلی یاپیلگنینی معلوم قیلدی.
وزیرلیک بوگون (دوشنبه،۶ دلو) توشدن کېین اعلان قیلگن بیاناتیده ایتیشیچه، حاضرگچه قندهار-ارزگان، غزنی نینگ جغتو –ناور اولسواللیک یۉللری همده غور ولایتینینگ بیر قنچه یۉللری یاپیق.
وزیرلیک هوا شرایطی یخشیلنگنیدن سۉنگ، اوشبو یۉللرنی تازهلش ایشلرینی شرطنامه اساسیدهگی شرکتلر باشلشینی بیلدیرگن.
بوگون مملکتنینگ بیر قنچه ولایتلریده قار یاغماقده و اېرتهگه یېتّی ولایتده قار و یامغیر یاغیشی کوتیلماقده.
اۉتگن هفته هم مملکتنینگ تورلی ولایتلریده قار یاغگن بۉلیب، نتیجهده کمیده۶۱ کیشی هلاک بۉلگن و۱۱۰ کیشی جراحت آلگن.
شونینگدېک، قار یاغیشی سببلی سالنگ عمومی قتناو یۉلی چهارشنبهدن بېری یاپیق قالماقده.
