تورکيه تشقی ایشلر وزیری هاکان فیداننینگ ایتیشیچه، اسراییل حلی هم ایرانگه هجوم قیلیش امکانیتینی ایزلهیاتگنیگه عاید بېلگیلر موجود.
تیآرتی خبریگه کۉره، او تلویزیونی بیر صحبتیده بوندهی حرکت منطقهده بېقرارلیکنی ینه-ده کوچهیتیریشی ممکنلیگینی بیلدیرگن.
تورکيه تشقی ایشلر وزیری، شونینگدېک، امریکانینگ ایرانگه حربي هجوم احتمالیگه هم اشاره قیلیب، باسیمنی آشیریش بېقرارلیک خوفینی کوچهیتیریشینی تأکیدلهگن.
اونینگ قۉشیمچه قیلیشیچه، «امریکالیک دۉستلریمگه مصلحت بېرهمن: بونی قیلمسینلر»
هاکان فیداننینگ ایتیشیچه، ایران مذاکرهلرگه تیار، لېکن اگر اۉزینی قیینچیلیکده حس قیلسه، اېنگ یامانی اوچون تیار بۉلیشی ممکن.
او مذاکرهنی یگانه ممکن یۉل دېب حسابلهیدی و قۉشیمچه قیلهدی «ایراننینگ برقرارلیگی برچهمیز اوچون مهم.»
شو وقتگه کېلیب، امریکا قۉشمه ایالتلری یقینده یقین شرققه کتّه حربي نوگان یوبارگن.
امریکا قۉشمه ایالتلری جمهور رییسی دونالد ترامپ،ر«کوچلی قوراللر ایران تامان یۉنهلتیریلماقده و امید قیلهمنکی، بیز اولرنی ایشلهتیشگه مجبور بۉلمهیمیز»
سۉنگگی کونلرده ایران ایچکی ناراضیلیکلری یانیده، دونالد ترامپ اوشبو مملکتنی بیر نېچه بار حربي هجوم و آغیر ضربه بېریش بیلن تهدید قیلگن.
