پاکستان و بویوک بریتانیانینگ افغانستان بۉییچه مخصوص وکیللر محمدصادق و ریچارد لیندسی اوچرهشیب، منطقهدهگی خوفسیزلیک وضعیتینی محاکمه قیلگن.
پاکستاننینگ مخصوص نمایندهسی بوگون (سهشنبه، ۳۰ جدی) ایکس اجتماعی ترماغی آرقهلی اوشبو اوچرهشوو حقیده خبر بېرگن.
اونینگ قۉشیمچه قیلیشیچه، صحبتلری اینیقسه چېگرهلر ارا ترور هجوملریدن کېلیب چیقهیاتگن دالضرب معمالرگه قرهتیلگن.
محمد صادق شونینگدېک بویوک بریتانیا مخصوص وکیلی بیلن منطقهدهگی کېنگراق خوفسیزلیک معمالری یوزهسیدن صحبتلشگن و عمومي تشویشلرنی حل قیلیش همده منطقوي برقرارلیکنی آشیریش اوچون اوزلوکسیز همکارلیک و موافقلیکنینگ مهملیگینی تأکیدلهگن.
پاکستان رسميلرینینگ ایتیشیچه، ترورچی گروهلری افغانستان توپراغیدن فایدهلنیب، اۉز مملکتلریگه هجوم قیلماقده.
اولرنینگ تأکیدلشیچه، طالبان بیلن مناسبتلرنی نارمللشتیریش اوچون افغانستاندن چېگرهلر ارا ترورچی هجوملری تۉختهتیلیشی لازم.
بیراق طالبان افغانستاندن پاکستانگه قرشی هر قندهی فایدهلنیشنی رد اېتهدی و هېچ بیر گروهگه بوندهی رخصت بېریلمسلیگینی بیلدیرهدی.
خوفسیزلیک و چېگرهوي مسألهلر یوزهسیدن کوچهیگن ترنگلیک نتیجهسیده سۉنگگی تۉرت ییل ایچیده ایکّی تامان بیر نېچه مرته تۉقنشووگه کیریشگن. آخرگی تۉقنهشوودن سۉنگ، اوچ آیدن آشدی، افغانستان و پاکستان اۉرتهسیدهگی چېگرهلر یاپیق و ایکّی مملکت اۉرتهسیدهگی تجارت همده حرکت تۉختهب قالگن.
