روسيه جمهور رییسی ولادیمیر پوتین طالباننینگ مسکودهگی اېلچیسی گُل حسن حسن نینگ ایشانچ یارلیغینی قبول قیلدی.
«اسپوتنیک» خبریگه کۉره، پوتین بوگون (پنجشنبه، ۲۵ جدی) بۉلیب اۉتگن مراسمده، جملهدن طالبان اېلچیسینی هم اۉز ایچیگه آلگن ۳۴ نفر خارجي اېلچینینگ ایشانچ یارلیقلرینی قبول قیلگن.
مذکور نشرگه کۉره، پوتین مراسمده روسيه افغانستاننینگ یگانه، مستقل، تینچ و اوروش، تروریزم همده گیاهوند مادّهلر سوداسیدن خالی مملکت بۉلیشیدن منفعتدار اېکنینی ایتگن.
حاضرده روسيه دنیاده افغانستاندهگی طالبان حکومتینی رسماً تن آلگن یگانه دولت حسابلنهدی.
پوتین، چین جمهور رییسی شی جین پینگدن کېین طالبان اېلچیسینینگ ایشانچ یارلیغینی قبول قیلگن جهان ایکّینچی یېتکچیسی حسابلنهدی.
طالبان جاري ییل نینگ سرطان آییده، اوشبو گروه نامی روسيهده ترورچی تشکیلاتلر رۉیخطیدن چیقریلگچ، گُلحسن حسننی اۉزینینگ مسکودهگی اېلچیسی اېتیب تعیینلهگن اېدی.
