رویترز اخبارات آژانسی اوچ نفر دیپلوماتگه تهیهنیب خبر بېریشیچه، ایران نمایشچیلرنی باستیرگنی سببلی امریکاگه نسبتاً حربي هجوم بیلن تهدید قیلهیاتگن بیر پیتده، امریکا اَیریم حربي خادملریگه بوگون (چهارشنبه،۲۲ جدی) کېچگه قدَر قطرنینگ دوحه شهریدهگی العدید حربي مرکزنی ترک اېتیشنی توصیه قیلگن.
دیپلوماتلردن بیری رویترزگه بو حالت «مجبوری بۉشهتیلیش» اېمس، بلکه «موضع نینگ اۉزگریشی» اېکنینی ایتگن، بیراق بو اۉزگریش سببینی بیلمسلیگینی قۉشیمچه قیلگن.
رویترزنینگ یازیشیچه، امریکانینگ دوحههدهگی اېلچیخانهسی و قطر تشقی ایشلر وزیرلیگی بو بارهده ایضاح بېرمهگن.
دوحه شهریده جایلشگن العدید قرارگاهسی امریکانینگ یقین شرقدهگی اېنگ ییریک حربي مرکزی بۉلیب، او یېرده تخمیناً۱۰مینگ حربي خدمتچی جایلشتیریلگن.
امریکا جاري قویاشي ییل دوامیده، ایران نینگ هستوي اۉبژېکتلریگه هجوم قیلینیشیدن تخمیناً بیر هفته آلدین، اوشبو مرکزدن اَیریم حربي خادملر و اولر نینگ عایله اعضالرینی کۉچیرگن اېدی.
امریکانینگ ایران هستوي مرکزلریگه هجومیدن سۉنگ، ایران العدید مرکزیگه راکت ضربهسی بېرگن. سۉنگّی کونلرده ایران رسميلری هم، اگر امریکا بو مملکتگه هجوم قیلسه، منطقهدهگی امریکا حربي مرکزلری قانوني نشان بۉلیشینی تأکیدلب، تهدید قیلگنلر.
