آلمان ایچکی ایشلر وزیرلیگی۴۰۰ کیشیدن آرتیق افغان قاچقینلری یقین آرهده پاکستاندن آلمانگه کۉچیریلیشینی معلوم قیلدی.
دویچهوله خبریگه کۉره، آلمان ایچکی ایشلر وزیرلیگی سۉزلاوچیسینینگ ایتیشیچه، اوشبو شخصلر نینگ تخمیناً۳۶۰ نفری فدرال قبول دستوری آرقهلی، ینه۵۰نفری اېسه محلي خادملرنی کۉچیریش دستوری آرقهلی آلمانگه آلیب کېلینهدی.
وزیرلیک سۉزلاوچیسی حاضرده بو قاچقینلرنی کۉچیریش جریانی کۉریب چیقیلهیاتگنینی قۉشیمچه قیلگن.
اۉتگن هفته جمعه کونی آلمان پاکستان نینگ اسلام آباد شهریدن۳۲ نفر افغانستانلیک قاچقینینی برلین شهریگه کۉچیرگن اېدی.
آلمان حکومتی مجبوري قبول وعدهسیگه اېگه افغانستانلیک قاچقینلرنی پاکستاندن کۉچیریش جریانینی ۲۰۲۵-ییل آخریگچه یکونلشنی رېجهلشتیرگن اېدی، بیراق حاضرگچه بو جریان تۉلیق توگللنمهگن کۉرینهدی.
تۉرت ییلدن آرتیق وقت دوامیده آلماندن قبول وعدهسینی آلگن مینگلب افغانستانلیک قاچقینلر پاکستانده کوتیب قالماقده.
یقینده آلمان بشردوستانه سببلرگه کۉره قبول وعدهسینی آلگن ۶۰۰ انسان حقوقلری فعاللریگه رد جوابینی بېرگن.
شونینگدېک، آلمان اَیریم افغان قاچقینلری عایلهلریگه قبولیدن واز کېچیش عوضیگه پول تۉلهشنی تکلیف قیلگن بۉلیب، حاضرگچه۶۰ دن آرتیق عایله بو تکلیفنی قبول قیلگن.
