طالبلر اخبارات و مدنیت وزیرلیگی لوگر ولایتیده۲۷ ته ینگی باستانی یادگارلیک انیقلنگنی حقیده خبر بېردی.
وزیرلیک بوگون (شنبه، ۲۰ جدی) اعلان قیلگن بیاناتیده اوشبو یادگارلیکلر لوگر ولایتی مرکزی پل علم شهری قۉشیمچه چرخ، برکی برک، خروار و ازره اولسواللیکلریده تاپیلگنینی معلوم قیلدی.
طالبلر اخبارات و مدنیت وزیرلیگینینگ معلوماتیگه کۉره، اوشبو باستانی جایلر «باختری-یونانی» دوریگه همده «اسلام نینگ یوکسک دورلری»گه عاید.
وزیرلیکنینگ قۉشیمچه قیلیشیچه، مذکور یادگارلیکلر افغانستان باستانی ساحهلر معلوماتلر پایگاهسیگه رۉیخطگه آلینگن.
طالبان افغانستانده حاکمیتنی قَیته قۉلگه کیریتگنیدن سۉنگ، مملکت نینگ تورلی منطقهلریده باستانی جایلر و تاریخي اشیالر تاپیلگنی حقیده بیر نېچه بار معلومات بېرگن.
شو بیلن بیرگه، اوشبو گروه باستانی اشیالرنی ناقانوني آلیب چیقیش و افغانستان نینگ اَیریم تاریخي میراثلرینی ویران قیلیشده هم عیبلنیب کېلینماقده.
