طالبلرنینگ صنعت و تجارت وزیرلیگی نینگ ایتیشیچه، سۉنگگی ایکّی ییل ایچیده افغانستان و پاکستان اۉرتهسیدهگی سودا حجمی ۴۰ فایزگه کمهیگن.
طالبلر صناعت و تجارت وزیرلیگی نینگ سۉزچیسی عبدالسلام جواد بوگون (شنبه، ۲۰جدی) بیر ودیدیو کلیپ، ۲۰۲۴ییلده ایکّی دولت اۉرتهسیدهگی تجارت حجمی۲.۴۶۱ میلیارد دالرنی تشکیل اېتگن، اما ۲۰۲۵ییلده بو کۉرسهتکیچ۱.۷۶۶میلیارد دالرگه توشگن.
اونینگ قۉشیمچه قیلیشیچه،۲۰۲۴-ییلده افغانستان نینگ پاکستانگه صادراتی تخمیناً۸۱۷ میلیون دالر بۉلگن بۉلسه، ۲۰۲۵-ییلده او ۵۰۵ میلیون دالرگه توشگن.
شونینگدېک، وزیرلیک سۉزچیسی معلوماتیگه کۉره، ۲۰۲۴-ییلده افغانستان نینگ پاکستاندن وارداتی۱.۶۴۴میلیارد دالر بۉلگن، ۲۰۲۵ییلده اېسه بو کۉرستکیچ۱.۲۶۱میلیارد دالرگه توشگن.
وزیرلیک نینگ حساباتیگه کۉره،۲۰۲۵ییلده افغانستان و پاکستان اۉرتهسیدهگی تجارت حجمی۲۰۲۴-ییلگه نسبتاً۶۹۵ میلیون دالر کمهیگن.
بو حالت، ایکّی دولت اۉرتهسیدهگی چېگره اۉتیش یۉللری تخمیناً اوچ آی دوامیده یاپیق بۉلیب، سودا تۉختهب قالگن وقتده یوز بېرماقده.
۲۰۲۵ییل آکتبر آییده طالبان بیلن چېگره ماجرایدن سۉنگ، پاکستان برچه چېگره اۉتیش یۉللرینی یاپگن.
اوشبو قراردن سۉنگ، طالبان افغانستان تجارلرینی مملکت نینگ اساسي تاور و احتیاجلرینی صادر-وارد قیلیش اوچون مقابل یۉللرنی ایزلشگه چقیرگن.
