«افغانستاننی قوتقریش اوچون ملي قرشیلیک کېنگشی» ایرانیدهگی عامهوي نمایشلرگه مناسبت بیلدیرر اېکن، «آدملرنینگ طلبلریگه تینچ و مدنی یۉللری آرقهلی جواب بېریلیشی، هر قندهی ترنگلیک و بېقرارلیک نینگ آلدی آلینیشی» نی امید قیلماقده.
بو کېنگش بوگون (جمعه، ۱۹ جدی) بیر بیانات نشر قیلیب، ایران نینگ حاضرگی واقعهلرینی اعتبار و مسوولیت بیلن کوزهتیب بهالشلرینی معلوم قیلدی.
کېنگش ایران حکومتیدن: «دانالیک، مسوولیت و مدبرانه ملاقات اساسیده، اهالی نینگ قانوني طلبلریگه مناسب اعتبار بېریلیشینی سۉرهگن».
کېنگشنینگ تأکیدلهشیچه: نمایشلر آدملرنینگ اجتماعي و سیاسي تقدیرنی بېلگیلشدهگی قانوني اشتراکی نینگ بیر کۉرینیشی، لېکن هر قندهی زۉرآورلیک، ترتیبسیزلیک، دولت و شخصي ملکنی بوزیش، آستقورمهلرگه ضرر یېتکزیش قارهلنهدی.
افغانستاننی قوتقریش اوچون ملی قرشیلیک کېنگشی: «هر قندهی خارجي ارهلشوو، یاکه اهالی نینگ قانوني طلبلریدن فایدهلنگن حرکتلر قبول قیلینمهیدی و ضررلی حسابلنهدی». شو بیلن تجربهلر، خصوصاً افغانستان تجربهسی، شونی کۉرسهتهدیکی، بوندهی ارهلشوولر نهفقط تینچلیکنی تأمینلهمهیدی، بلکه بحرانی چوقیرلشتیرهدی، ملي حکومتنی ضعیفلشتیرهدی و اجتماعي اساسلرنی بوزهدی» دېیه تاکیدلهیدی.
بوگون ایران بۉیلب نمایشلر اۉن اوچینچی کونیگه کیرگن. نمایشلر دستلب تهرانده، تنگلیکلر و ریال نرخلریگه قرشی کیچیک تدبیرکارلر تامانیدن باشلنگن، تېزده کېنگهیدی و حاکمیتگه قرشی شعارلر بیلن دوام اېتدی.
اېراننینگ تشقی دولتلرده جایلشگن انسان حقوقلری تشکیلاتینینگ معلوم قیلیشیچه: نمایشلر باشلنیشیدن بېری کمیده۴۵ کیشی اۉلدیریلگن و ایکّی مینگدن آرتیق کیشی حبسگه آلینگن.
ایران نینگ دولت عامهوي اخبارات واسطهلری نمایشلر دوامیده بعضی جماعت جایلری نینگ بوزیلگنینی و بیر نېچه خوفسیزلیک خادملری اۉلدیریلگنینی خبر قیلگن.
بوگون ایران رهبری علی خامنهای نمایشچیلرنی «بوزغونچیلر» دېب اتهدی و اسلام جمهوریتی اولرگه قرشی اېگیلمهیدی دېدی.
