خلق ارا عفو تشکیلاتی پاکستان باش وزیری شهباز شریفگه آچیق خط یۉللب، افغانستانلیک مهاجر و قاچقینلرنی تعقیب قیلیش همده عامهوي روشده چیقاریب بوباریشنی تۉختهتیشنی طلب قیلدی.
بوگون (جمعه، ۱۹ جدی) نشر قیلینگن اوشبو خطده تشکیلات افغانستانلیک مهاجرلرنینگ ناقانوني حبسگه آلینیشی، تعقیب قیلینیشی و مجبورن چیقریب یوباریلیشی بارهسیده چوقور خواطر بیلدیرگن.
خلق ارا عفو تشکیلاتی پاکستان رسميلریدن خلق ارا انسان حقوقلری قانونلریگه موافق، خلق ارا حمایهگه محتاج شخصلر حمایهلنیشینی تأمینلشنی سۉرهگن.
تشکیلات، شونینگدېک، پاکستان حکومتی افغانستانلیک قاچقینلرنینگ حقوقلری، اینیقسه اۉزباشیمچهلیک بیلن حبسگه آلیش و کمپلر همده یشش جایلریدن مجبورن چیقریب یوباریلیشدن حمایهلنیشی کفالتلنیشی لازملیگینی تأکیدلهگن.
نامهده بیرلشگن ملتلر تشکیلاتینینگ قاچقینلر بۉییچه عالي کمیسارلیگیگه تهیهنیب، پاکستانده۱۱۰ مینگگه یقین قاچقین و باشپناه ایزلاوچی شخص جدّي خوف آستیده اېکنی و خلق ارا حمایهگه محتاجلیگی قید اېتیلگن.
خلق ارا عفو تشکیلاتی طالبان نینگ عیاللر، ژورنالیستلر و انسان حقوقلری فعاللریگه قرشی چارهلرینی اېسلهتیب، بو طایفهدهگی شخصلرنی افغانستانگه دېپورت قیلینیشی آغیر عاقبتلرگه آلیب کېلیشی حقیده آگاهلنتیرگن.
تشکیلات مجبوري قَیتریش «قَیترمسلیک تمایلی» نینگ آچیق بوزیلیشی اېکنینی و بو آدملرنی جدّي انسان حقوقلری بوزیلیشلری خوفی آستیگه قۉییشینی بیلدیرگن.
جاري قویاشي ییلده پاکستان افغانستان مهاجرلرینی دېپورت قیلیشنی کوچهیتیریب، بیر میلیوندن آرتیق مهاجرنی افغانستانگه قَیترگن.
پاکستان حکومتی، شونینگدېک، بلوچستان و پنجاب کبی ایالتلردهگی قاچقینلر کمپلرینی یاپیب، مهاجرلرنی اولرنی ترک اېتیشگه مجبور قیلگن.
تجارت و عادي قتناو اوچون چېگره اۉتیش جایلری یاپیلگنیگه قرهمهی، پاکستاندن افغانستان مهاجرلرینی چیقریش دوام اېتماقده. طالبان معلوماتیگه کۉره، فقط تیناوون پاکستاندن ایکّی مینگ ۳۰۰ دن آرتیق کیشی چیقاریب یوباریلگن.
