افغانستان سابق نمایندهلر مجلسینینگ اعضاسی و تانیقلی تجار صفتیده تانیلگن عباس ابراهیم زارده عایله اعضالری اۉزبېکسان جمهور رییسی شوکت میرضیایفگه، اونگه عاید ایش بۉییچه یکوني قرار قبول قیلینمهگونچه، درحال یاکه وقتینچه آزاد قیلیشنی سۉرهب مکتوب یۉللشدی.
بوگون (سهشنبه، ۱۷ جدری) نشر قیلینگن اوشبو مکتوبده ایتیلیشیچه، جناب ابراهیمزاده اوچ آیدن آرتیق وقت دوامیده «یکوني محکمه قراریسیز، عدالتلی محکمه پرینسیپلری بۉییچه آچیق محکمه مجلسیسیز و اۉزی نینگ قانوني حقوقلریگه ثمرهلی اېریشیش امکانیسیز حبسده سقلنماقده».
جناب ابراهیمزاده عایلهسینینگ قۉشیمچه قیلیشیچه، اولر وکیل مدافعلری تامانیدن بیر نېچه مرته قانوني طلبلر بېریلگنیگه قرهمهی، «قانوني کفالتلرنی تأمینلش و شفّاف، طرفسیز و قانوني محکمه شرایطلرینی یرهتیش بۉییچه» جریان ناانیق و شفّافسیز بۉلیب قالگن و اساسلنمهگن عیبلاولر قۉشیلیب دوام اېتماقده.
عباس ابراهیمزاده نینگ عایلهسی مکتوبده اونینگ ساغلیق حالتیدن هم خواطر بیلدیریب، او بیرآز آلدین جگر عملیاتینی اۉتگن و مخصوص طبي یاردم، منتظم دوالنیش و انیق طبي نظارتگه محتاج دېیلگن.
جناب ابراهیمزاده نینگ حاضرگی شرایطده حبسده سقلنیشی اونینگ ساغلیغی اوچون جدّي و بېواسطه خوف توغدیرهدی و جدّي عاقبتلر، جملهدن اۉلیم خوفینی آشیرهدی دېگن عایلهسی.
عباس ابراهیمزاده نینگ عایلهسی اۉزبېکستان جمهور رییسیگه یۉلهگن مکتوبیده ایتیلیشیچه، اونگه یېترلی طبي خدمتلردن محروم قیلیش انسان حقوقلری اساسي پرنسیپلری بیلن ضدیتلی دیر و بو اۉزبېکستاندهگی ایچکی و خارجي اقتصادي فعالیت یوریتووچیلرنینگ دولتگه بۉلگن ایشانچیگه پوتور یېتکزهدی دېب ایتگنلر.
اولر اۉزبېکستان جمهور رییسیدن جناب ابراهیمزاده نینگ ایشینی یوقاری محکمه وکالتلی ادارهلر نظارتی آستیده کۉریب چیقیشنی بویوریشنی سۉرهشدی.
شونینگدېک، جناب ابراهیمزاده نینگ طبي حالتینی مستقل متخصصلر تامانیدن تېکشیریش و اونگه تۉلیق مخصوص دوالنیش و ضرور طبي یاردم آلیش امکانیتینی یرهتیش علیحده طلب قیلینگن.
عباس ابراهیمزاده جاري ییل میزان آیی نینگ باشیدن بېری اۉزبېکستانده حبسده سهقلنماقده.
ایتیشلریچه، او اۉزبېکستانده یشاوچی باشقه بیر افغانستانلیک تدبیرکارنینگ شکایتی اساسیده حبسگه آلینگن.
اۉزبېکستان حکومتی حاضرگه قدَر افغانستان سابق پارلمان اعضاسی و تنیقلی تجار عباس ابراهیمزاده نینگ حبسگه آلینیشی بۉییچه ایضاح بېرمهدی.
