بلژیم اولکهسیده جایلشگن «طعم خلق ارا انستیتوتې» هرات زعفرانینی ۲۰۲۶-ییل نینگ «اېنگ زۉر طعم» مکافاتی بیلن تقدیرلهگنینی اعلان قیلدی.
انستیتوتنینگ معلوم قیلیشیچه، هرات زعفرانی دنیانینگ اېنگ یخشی آشپزلریدن تشکیل تاپگن حکملر هیئتی تامانیدن ییلنینگ اېنگ زۉر طعمی صفتیده تن آلینگن.
هرات زعفرانی «زیروارلر و تاتلر» طایفهسیده، «هرات زعفران» شرکتی تامانیدن تقدیم اېتیلگن و اېنگ زۉر طعم تنلاویده اشتراک اېتگن.
افغانستان زعفرانی دنیا بۉییچه اۉن مرته اېنگ زۉر طعم صفتیده تن آلینگن بۉلسه-ده، اوزلوکسیز قورغاقچیلیک حاصلدارلیکنی کمهیتیرگن.
افغانستان زعفرانی ایشلب چیقرووچیلر اویوشمهسی مسوللرینینگ معلوم قیلیشیچه، جاري ییل فقط۴۰ تُن ظفران ییغیب آلینگن، بو اېسه اقلیم اۉزگریشی و قورغاقچیلیک بیلن ایضاحلنهدی.
کۉپ زعفران افغانستاننینگ غربي ولایتی هراتدن آلینهدی، لېکن سۉنگگی ییللرده باشقه ولایتلرده هم یېتیشتیریش کېنگهیگن.
