طالبان نظارتی آستیدهگی برشنا شرکتی بوگون (سهشنبه، ۱۶ جدی) کابل ولایتینینگ سوروبی اولسواللیگیده جایلشگن نغلو قویاش برق ایشلب چیقریش قوریلمهسی ایشگه توشیریلگنینی معلوم قیلدی.
شرکت نینگ ایتیشیچه، اوشبو قوریلمهنینگ برق ایشلب چیقریش قوّتی۲۲،۷۵ میگاواتنی تشکیل اېتهدی.
برشنا شرکتینینگ اجرایی باشلیغی عبدالباري عمرنینگ ایتیشیچه، مذکور قوریلمه و ایشلب چیقریلگن انرژینی قبول قیلیش اوچون اوزهتیش ترماغی۱۸ میلیون دالر خرجت بیلن قوریلگن.
طالبان باش وزیری نینگ اداری اۉرینباسری عبدالسلام حنفی اوشبو برق ایشلب چیقریش قوریلمهسینینگ آچیلیش مراسمیده برق تأمیناتی ساحهسیدهگی فعالیتلر تېز سرعتلرده دوام اېتهیاتگنینی ایتدی.
اونینگ قۉشیمچه قیلیشیچه، تورکمنستان و اۉزبېکستاندن برق اوزهتیش لایحهلری یکونلنگچ، مملکتده۲۴ ساعتلیک برق خدمتینی تأمینلشگه یقینلشهمیز.
شو بیلن بیرگه، مملکت اهالیسی قیش و یاز فصللریده اوزاق دوام اېتهدیگن برق اوزیلیشلریگه دوچ کېلماقده.
جاري قویاش ییل دوامیده آب-هوانینگ ساووشی بیلن افغانستان شهرلریده، جملهدن کابلده، برق اوزیلیشلری سېزیلرلی درجهده کۉپهیدی و اهالی بیر نېچه بار اوزاق دوام اېتگن اوزیلیشلردن شکایت قیلیشدی.
