جهان آزیق آوقت دستورینینگ خبر بېریشیچه، سۉنگّی یامغیر و سوو تاشقینلریدن ضرر کۉرگن هرات و فراه ولایتلریدهگی۱۴۰ته عایلهگه یاردم یېتکزیلگن.
تشکیلات بوگون (دوشنبه ۱۵ جدی) بیلدیریشیچه، سوو تاشقینلری اوشبو ولایتلردهگی اویلر، دهقانچیلیک میدانلری و آستقورمهلرگه ضرر یېتکزگن، شونینگدېک، اَیریم آدملر هلاک بۉلگن.
جهان آزیق-آوقت دستوری سوو تاشقینلری یوز بېرگن زهاتی فوق العاده یاردم گروهلرینی تېزده ولایتلرگه یوبارگن.
اۉتگن هفته مملکت نینگ بیر قنچه ولایتلریده قار و یامغیر یاغیشی نتیجهسیده سوو تاشقینلری یوزهگه کېلگن اېدی.
طالبان حادثهلرگه قرشی کوره ادارهسی نینگ خبریگه کۉره، سوو تاشقینلری و کوچلی یامغیر نتیجهسیده مملکت نینگ۱۱ ولایتیده، جملهدن هرات و فراهده کمیده ۱۲کیشی هلاک بۉلگن و ۱۱کیشی جراحتلنگن.
اداره شونینگدېک، ۲۷۴ته اوی یامغیر و سوو تاشقینلری نتیجهسیده بوتونلهی ویران بۉلگنینی بیلدیرگن.
