ایران مجلسی ایچکی ایشلر کمیتهسی اعضاسی مرتضی محمودی، ایران اوشبو مملکتده اوچ اۉن ییلدن آرتیق یشب کېلگن افغانستانلیک مهاجرلر اوچون اوزاق مدتلی یشش رخصتینی بېریشینی ایتدی.
ایرنا خبریگه کۉره، بو مجلس اعضاسینینگ قۉشیمچه قیلیشیچه، بو قرار افغانستانلیک مهاجرلرنینگ ایکّینچی و اوچینچی اولادیگه هم تعلقلیدیر.
اونینگ ایتیشیچه، بو قرار محکمه یاکه خوفسیزلیک تاریخی بۉلمهگن، ایران قانونلری دایرهسیده یشب، فعالیت یوریتگن شخصلرنی قمرهب آلهدی.
مجلس اعضاسینینگ تأکیدلهگنیدېک، اوشبو مهاجرلر اۉن ییللر دوامیده ایران نینگ اجتماعي و اقتصادي توزیلمهسینینگ بیر قِسمیگه ایلنگن، و حکومتنینگ اولرگه بۉلگن مناسبتی انساني، قۉللب-قوّتلاوچی و اوزاق مدتلی همکارلیککه اساسلنگن.
شو بیلن بیرگه، ایران شو ییل «رۉیخط ورغینی» بېکار قیلگن حالده تخمیناً ایکّی میلیون افغانستانلیک مهاجرنی چیقریش جریانینی باشلهدی و حاضرگه قدَر 1،5 میلیوندن آرتیق مهاجر چیقریلگن.
حاضرده اېران فقط «آمایش کارتی» و «عایله پاسپورتی»گه اېگه شخصلرگه یششگه رخصت بېرهدی، اما بو شخصلر هم هر بیر نېچه آیده حجتلرینی ینگیلب توریشلری کېرهک.
