جدی، اۉزبېکی و ترکمنی تیللر افغانستان اساسی قانونیده رسمی تیل صفتیده رسمی بۉلگنی کونی مناسبتی بیلن ییغین اۉتکزیلدی.
بوگون (یکشنبه ۱۴ جدی) تورکیهنینگ انقره شهریده انه شو مناسبت بیلن اۉتکزیلگن ییغینده سابق حکومتنینگ بلند مرتبهلی رسمیلری، پارلمان اعضالری، سیاستچیلر، عیاللر، استادلر، یازووچیلر و مدنی فعاللر اشتراک قیلدیلر.
اوشبو ییغینده چیقیش قیلیب نطق سۉزلهگنلر بوندن ییگیرمه ایکّی ییل آلدین نېچه کون ملت وکیللرینینگ مبارزهسی و سعی وتلاشی نتیجهسیده اۉزبېکچه و تورکمنچه تیللر افغانستان اساسی قانونیگه پشتو و فارسی دن کېیین اوچینچی رسمی تیل اولهراق تن آلینگنی بارهسیده تۉختهلیب گپیردیلر.
شونینگدیک محفلده صحبت قیلگنلر سۉنگّی ایکّی یوز ییلدن آرتیق زمان مابینیده افغانستان اۉزبېک و تورکمن تیللرینینگ باشدن کېچیرگن وضعیتی تۉغریسیده اشاره قیلیب گپیردیلر.
امیر علیشیر نوایی، ظهیرالدین محمد بابر، مخدوم قلی فراغی و خواجه احمد یسویلر بویوک اثرلر یرهتیب بو تیلنی رواجلهنیشیگه سبب بۉلگنلری کبی افغانستان اۉزبېک و تورکمن فرزندلری هم آنهلرینی اۉرگنیش و اونی رواجلنتیریش اوچون سعی و تلاش قیلیشلری ضرورلیگی اوستیده تاکیدلهدیلر.
بوندن نیچه آلدین جوزجان بیلیم یورتی عمومی دروازهسیدن اۉزبېکچه یازوو آلیب تشلنگنی و کونیکېچه سمنگان ولایتی بیلیم یورتینینگ عمومی کیریش اېشیگیدهگی لوحهدن اۉزبیکچه یازوو آلیب تشلهنیشینی قارهلب، بو ایشلر بیزنینگ تیلیمیز رواجلهنیشینینگ آلدینی آلیشگه سبب بۉلمهیدی، بلکه خلقیمیزنی بو تیل برابریده بۉلگن مسوولیتلرینی ینه بیر نیچه بار آشیرهدی دیدی محفل صحبت قیلگنلر.
افغانستانده طالبلر قیته حاکمیتگه کېلگنیدن کېیین، مملکت اساسی قانونی بېکار قیلیندی، لېکن شونگه قرهمه بو سنه مدنی فعاللر طرفیدن نشانلنهدی.
