جوزجان ولایتیدهگی محلی منبعلرنینگ خبر بېریشیچه،24 یاشلی بیر ییگیت خانقاه اولسواللیگیده اوییده قوراللی اۉغریلر تامانیدن اۉلدیریلگن.
منبعلرنینگ ایتیشیچه، واقعه جمعه کېچهسی (۱۲جدی) خانقاه اولسواللیگی مرکزیده صادر بۉلگن. قوراللی اۉغریلر اوی نینگ ایچیگه کیریب، ملکنی اۉغیرلشگه اورینهیاتگنیده، اوی اېگهسی اولرگه قرشیلیک کۉرستگن.
جوزجانده طالبلر امنیه قوماندانلیگی، اوشبو ییگیت اۉغریلر بیلن تۉقنشووده هلاک بۉلگنینی تیاکیدلهگن.
قوماندانلیکنینگ قۉشیمچه قیلیشیچه، باشقه عایله اعضالری تۉی مراسمیده بۉلگن و اویده فقط بیر کیشی قالگن.
شونینگدېک قوماندانلیک بو جنایت و قاتللیک بیلن باغلیق بیر شخص حبسگه آلینگنینی بیلدیرگن.
هر کونی ولایتلردن قوراللی اۉغریلیک و قاتللیکلر حقیده خبرلر کېلیب تورهدی.
قندهار ولایتیدهگی محلي منبعلر هم نامعلوم شخصلر تامانیدن بیر یاش ییگیت اۉلدیریلگنینی خبر قیلیشماقده. منبعلرگه کۉره، عطامحمد پنجشنبه کېچهسی قندهار شهرینینگ ایکّینچی ناحیهسیده کاروان کۉچهسیده اویینینگ آلدیده پیچاقلهنیب یرهلنگن و جمعه کونی جراحتلری عاقبتیده وفات اېتگن.
