«افغانستان آزادلیک جبههسی» طالبلرنینگ قندوز شهریدهگی بیر نظارت-اۉتکزیش پوستهسیده اویوشتیرگن هجومیده گروهنینگ ایکّی اعضاسی اۉلدیریلگنی، ینه ایکّی اعضاسی یرهلنگنینی معلوم قیلدی.
اوشبو جبهه هجوم نینگ تیناوون جمعه کونی، ساعت۷:۰۰ اطرافیده «مفتی سراج» مسجدی یقینیدهگی «امام صاحب بندری» یۉلیده صادر بۉلگنینی بیلدیرگن.
هجومده طالبان نینگ بیر حربي موتری هم یانیب کېتگن. جبهه اۉز کوچلری نینگ احتمالي ضررلری حقیده معلومات بېرمهگن.
قندوزدهگی طالبان محلي مسووللری حاضرچه بو هجوم بۉییچه ایضاح بېرمهگن.
«افغانستان آزادلیک جبههسی» ایلگری هم قندوزدهگی طالبلرگه قرشی هجوملری حقیده خبر بېرگن.
طالبان عادتده مخالفلرینینگ هجوملرینی تصدیقلهمهیدی، اما بیرلشگن ملتلر تشکیلاتی بعضی هجوملرنی تصدیقلهگن و بعضی حالتلرده تینچ اهالیگه یېتگن ضررلردن خبر بېرگن.
