تخار ولایتینینگ درقد اولسواللیگی «میده-پته» قیشلاغی اهالیسی، محلي طالبان منصبدارلرینینگ ییلاو یېرلرینی اېگهللب آلگنیگه قرشی ناراضیلیک بیلدیرگنلرلرینی ایتگنلر.
وشبو قیشلاق اهالیسیدن بیری بوگون (جمعه، ۱۲ جدی) اطلاعات روزگه یوبارگن پیامیده ایتیشیچه، درقد اولسواللیگی طالبان حاکمی فتح محمد ییلاونی «اۉز دۉستلری و یقینلریگه دهقانچیلیک اوچون تقسیملب بېریش»نی رېجهلشتیرماقده.
محلي اهالینینگ عریضهسیده قید اېتیلیشیچه، «امیرلیک قضایی مدیری» طالبان یېتکچیسی نینگ فرمانی و عملدهگی قانونلرگه ضد روشده قریب۶۰ جریب ییلاو یېرینی اجارهگه آلگن. عریضهده شونینگدېک، طالباننینگ اَیریم منصبدار شخصلری گروه رهبری کۉرستمهلریگه ضد روشده اجاره جریانیده اشتراک اېتگنی ایتیلگن.
«میده پته» قیشلاغی اهالیسی اگر «امارتگه تېگیشلی» ملک اجارهگه بېریلهدیگن بۉلسه، اوستوار حقوق عیناً شو قیشلاق اهالیسیگه بېریلیشی کېرهکلیگینی تأکیدلهماقده.
اطلاعات روزگه یوباریلگن ویدیوده منطقه اهالیسی باشقه ولایتلردن کېلگن شخصلرنی قبول قیلمسلیکلرینی بیلدیرگن.
منبعگه کۉره، محلي اهالی چهارشنبه کونی ناراضیلیک نمایشی هم اۉتکزگن. تخاردهگی طالباننینگ محلي منصبدار شخصلری بو بارهده حاضرچه هېچ قندهی ایضاح بېرمهگن.
