پاکستاننینگ افغانستان بۉییچه سابق مخصوص نمایندهسی آصف درانی، افغانستاننی «قیینچیلیکلر گِردابیدهگی ایناغه مملکت» دېب اتهدی.
جناب دُراني بوگون توشدن کېین (چارشنبه، ۱۰جدی) ایکس اجتماعی ترماغیده یازیشیچه، افغانستاننی یالغیز تشلب قۉییش شاشیلینچ بۉلیمیدهگی کسلنی تشلب کېتیش بیلن برابر.
اونینگ قۉشیمچه قیلیشیچه، پاکستان اۉزینی کتّه یورهکلی کتّه اکه اېکنینی اثباتلشی لازم.
دُراني نینگ تأکیدلشیچه، پاکستان مهر-شفقت بیلن، بدبینلر بو ایکّی بویوک خلق حقیده نیمه دېب اۉیلشی یاکه نیمه دېییشیدن قتطی نظر، افغانستان خلقینینگ قلبی و آنگینی قۉلگه کیریتیشی ممکن.
بو بیاناتلر طالبان و پاکستان اۉرتهسیدهگی تۉقنهشوولردن سۉنگ، قریب اوچ آیدن بېری افغانستان–پاکستان چېگرهلری یاپیق قالهیاتگنی و ایکّی دولت اۉرتهسیدهگی برچه تجارت همده اقتصادي علاقهلر تۉختهتیلگنی بیر پیتده ینگرهماقده.
پاکستان رسميلری طالباننی اۉز مملکتیدهگی تحریک طالبان پاکستان (تیتیپی) گروهینی قۉللب-قوّتلشده عیبلب، اوشبو گروه افغانستان توپراغیدن فایدهلنیب پاکستانده هجوملر اویوشتیرهیاتگنینی اَیتماقده. بیراق طالبان افغانستانده تیتیپینی قۉللب-قوّتلشنی رد اېتیب، بونی پاکستاننینگ ایچکی معماسی دېب حسابلهیدی.
