منبعلرگه کۉره، هراتده طالبان نینگ امر به معروف و نهی از منکر ادارهسی تامانیدن آدم و باشقه تیریک موجوداتلرنینگ تصویرینی عامهوي اخبارات واسطهلریده نشر قیلیشنی تعقیقلش حقیدهگی بویروق بوگوندن چهارشنبه، ۱۰ جدی اجرا اېتیله باشلنگن.
منبعلرنینگ ایتیشیچه، هراتدهگی طالبان نینگ امر به معروف و نهی از منکر باشلیغی همده اخبارات و مدنیت باشقرمهسی باشلیغی یېتکرمهلر مسووللری و یوتوبرلر بیلن ییغیلیش اۉتکزیب، اولردن تیریک موجوداتلر تصویرینی نشر قیلیشنی تۉختهتیشنی طلب قیلگن.
ییغیلیشده قتنهشگنلردن بیرینینگ ایتیشیچه، طالباننینگ امر به معروف باشلیغی تیریک موجوداتلر تصویرینی نشر قیلیشنی تعقیقلش اوشبو گروه رهبری نینگ بویروغی اېکنینی و بو فرمانگه بۉیسونمسلیک گناه حسابلنیشینی بیلدیرگن. طالبان جاري ییل نینگ میزان آیی نینگ باشیده هراتده تیریک موجوداتلر تصویرینی نشر قیلیشنی منع قیلگن اېدی.
مذکور منبع نینگ ایتیشیچه، طالبان برچه یېتکرمهلر خادملری و ژورنالیستلر سقال قۉییشی و بۉیینباغ تقمسلیگی کېرهکلیگینی هم ایتگن.
طالبان باشقه ولایتلرده هم شونگه اۉخشهش تعقیقلرنی جاري قیلگن.
طالبان نینگ امر به معروف و نهی از منکر حقیدهگی قانونیده تیریک موجوداتلر تصویرینی نشر قیلیش منه اېتیلگن. بو گروه اوشبو قانوننی باسقیچمه-باسقیچ اجرا اېتیب کېلماقده.
