هراتدهگی منبعلر ایتیشیچه، اوبه اولسواللیگیده بیر اوی نینگ تامی قولب توشیشی عاقبتیده بیر عیال و تۉرت نفر باله هلاک بۉلگن.
منبعلرگه کۉره، اوشبو حادثه کېچه تونده (سهشنبه، ۹ جدی) کوچلی یاغاینگرچیلیک سببلی اوبه تومنی نینگ کبگان قیشلاغیده یوز بېرگن.
مذکور حادثه قربانلری بیر عیال، ایکّی نفر قیز باله و ایکّی نفر اۉغیل بالهدن عبارت. بالهلر نینگ یاشی 3 یاشدن 14 یاشگچه بۉلگن. منبعلر نینگ تأکیدلشیچه، هلاک بۉلگن عیال اوبه ساغلیقنی سقلش مرکزیده ادایه بۉلیب ایشلهگن، اونینگ تورموش اۉرتاغی هم شو مرکزده فعالیت یوریتهدی.
اوشبو اېر-خاتین اصلیده پشتون-زرغون اولسواللیگی نینگ اهالیسی بۉلیب، خدمت وظیفهلری سببلی اۉبه تومنیده یشب کېلگن.
منبعلرگه کۉره، کېچهگی حادثهدن عایلهده فقط اېرکک کیشی امان قالگن.
هراتدهگی طالبان نینگ محلي رسميلری حاضرچه اوشبو حادثه یوزهسیدن هېچ قندهی ایضاح بېرمهگن.
شونگه اۉخشش حادثهلر ایلگری هم کۉپلب اهالی نینگ حیاتیگه ضامن بۉلگن.
مملکت نینگ کۉپلب حدودلریده، اینیقسه قیشلاق جایلرده، اویلر ناستندرت طرزده قوریلگن بۉلیب، یامغیر، قار و باشقه طبيعي آفتلرگه چیدملی اېمس.
