طالبان مدافعه وزیرلیگینینگ معلوم قیلیشیچه، اوشبو گروه کوچلری فراه ولایتیدهگی پشت رود، خاک سفید و قلعه کاه اولسواللیکلریده طوفان و سوو تاشقینی آستیده قالگن «یوزلب» کیشیلرنی قوتقریب، خوفسیز منطقهگه کۉچیریشگن.
وزیرلیک بوگون (چهارشنبه، ۱۰ جدی) اعلان قیلگن بیاناتیده، بو شخصلر طالبان هوا کوچلری نینگ تیک اوچرلریدن فایدهلنیب قوتقریلگنینی بیلدیرگن.
طالبان مدافعه وزیرلیگی شونینگدېک، تاشقین فراه اهالیسیگه کتّه ضرر یېتکزگنینی و قلعه کاه اولسواللیگیده بیر کیشی نینگ هلاک بۉلگنینی قۉشیمچه قیلگن.
کېچه هم فراه ولایتی محلي مسووللری نینگ خبر بېریشیچه، بکوا و خاک سفید اولسواللیکلریده تاشقین عاقبتیده بیر کیشی هلاک بۉلگن و تۉرت کیشی جراحت آلگن.
سۉنگی کونلرده مملکت نینگ بیر قطار ولایتلریده قار و یامغیر یاغگن، اما باشقه ولایتلردن حاضرگچه آب-هوا بیلن باغلیق تلفاتلر حقیده خبر کېلمهگن.
