هراتدهگی طالبان ترافیک ادارهسی شهر مأموریتی تامانیدن قبول قیلینگن «شهر ترتیبی کمیسیونسی» قراریگه اساسن، کېلهسی هفته شنبهدن (۱۳جدی) باشلب، عمومی و فرعی یۉللریده اوچ غیلدیرهکلی ترانسپورت واسطهلرینینگ حرکتی تعقیقلنیشینی اعلان قیلدی.
هرات ترافیک ادارهسی نینگ ایتیشیچه، بو تعقیق حجتلی و حجتسیز برچه اوچ غیلدیرهکلی واسطهلرنی اۉز ایچیگه آلهدی.
هراتدهگی طالبان ترافیک ادارهسی تأکیدلهگن یۉللر قوییدهگیلرنی قمرهب آلهدی: مستوفیت-خواجه کله، خواجه کله-پایان آب، پایان آب-نمبر یک، جاده محبس، تانک مولوی-منارها، منارها-درب ملک، فرقه-جکان، سه پلک-درب قندهار، برامان-کلینیک حیوانات.
باشقرمهنینگ معلوماتیگه کۉره، حاضرده شهر بۉیلب تخمیناً ۱۰۰ مینگ اوچ غیلدیرهکلی ترانسپورت واسطهسی فعالیت یوریتماقده، حالبوکه شهر فقط ۵ مینگدن کم واسطهنی سیغدیره آلهدی.
هرات ترافیک ادارهسی نینگ قۉشیمچه قیلیشیچه، بو حالت گوجوملیک، یۉل حرکتیدهگی بوزیلیشلر و ترافیکی حادثهلرنینگ کۉپهییشیگه سبب بۉلماقده.
اما هراتدهگی اوچ غیلدیرهکلی هیداوچیلرنینگ ایتیشیچه، اولر یۉلاوچیلر تشیش آرقهلی عایلهلرینی باقیشهدی، و اوشبو تعقیق اولرگه اقتصادي قیینچیلیک و ایشسیزلیک آلیب کېلهدی.
