پاکستان عامهوي اخبارات واسطهلری افغانستاندن بۉلگن بیر عیال و اونینگ اوچ فرزندی نینگ آسیلگن جسدلری پاکستان نینگ کراچی شهریده تاپیلگنی حقیده خبر بېردی.
دان گزیتهسینینگ خبریگه کۉره، اوشبو شخصلرنینگ جسدلری تیناوون (یکشنبه، ۷ جدی) کراچی نینگ «سهراب گوت» منطقهسیدهگی اویلریدن تاپیلگن.
پاکستان پولیسی نینگ معلوم قیلیشیچه، عیال نینگ اسمی فاطمه نجیب بۉلیب، او احتمال روحي معمالر و عایلهوي کېلیشماوچیلیکلر سببلی اوچ یاشلی قیزی، ایکّی یاشلی اۉغلی و اۉن یاشلی اسرهب آلینگن قیزینی اۉلدیریب، سۉنگ اۉز جانیگه قصد قیلگن.
عیال نینگ اېری نجیبلله پاکستان نینگ پنجاب ولایتیدن بۉلگن شخص ایشیدن قَیتگچ، اوییده خاتینی و بالهلرینینگ آسیلگن جسدلریگه دوچ کېلگنینی ایتگن.
پولیس معلوماتیگه کۉره، فاطمه نجیبالله نینگ ایکّینچی خاتینی بۉلگن و نجیبالله نینگ بیرینچی خاتینیدن اۉن یاشلی قیزی بار اېدی.
پنجاب پولیسی اوشبو حادثه یوزهسیدن زودلیک بیلن تېرگاو باشلش تۉغریسیده بویروق بېرگن و انیق اۉلیم سببی طب عدالی اېکسپېرتیزه نتیجهلری اعلان قیلینگونچه معلوم قیلینمسلیگینی بیلدیرگن.
