تهران حاکمی حسین خوش اقتبال، تهران شهریده جنرال اکرامالدین سریع و اونینگ بیر همراهیگه قیلینگن سوءِقصد یوزهسیدن تېکشیروو آلیب باریلهیاتگنینی، بیراق حلی «یکوني خلاصهگه» کېلینمهگنینی ایتدی.
تابناک خبریگه کۉره، تهران حاکمی بوگون (شنبه، ۶ جدی) اوشبو حادثه بۉییچه تېکشیروو نتیجهلری اېرتهگه اعلان قیلینیشینی معلوم قیلگن.
بو ایران رسميلرینینگ تهرانده تخار ولایتی سابق پولیس قوماندانی جنرال اکرام الدین سریع و محمد امین الماس افغانستاننینگ سابق حربي خدمتچیسی اۉلدیریلیشیگه دایر ایلک مناسبتی دیر.
مذکور ایکّی سابق حربي اۉتگن هفته چهارشنبه آقشامیده تهراندهگی العصر میدانیده اۉققه توتیلیب، هلاک بۉلگن اېدی.
جنرال اکرامالدین سریعنینگ جسدی بوگون تهرانده افغانستانلیک مهاجرلر نینگ کېنگ اشتراکیده دفن اېتیلدی.
طالبانگه قرشی سیاسي جریانلر اوشبو قاتللیکده طالباننی عیبلب، ایراندن هر تامانلهمه و خالص تېرگاو اۉتکزیشنی طلب قیلگن.
